വർഷങ്ങളായി ബില്ലുകള്‍ തടഞ്ഞുവെച്ചിരിക്കുന്നു: എട്ട് ബില്ലുകളില്‍ ഏഴും തടഞ്ഞു, അംഗീകാരം നല്‍കിയത് ഒന്നിന് മാത്രം; ഗവര്‍ണര്‍ക്കെതിരെയുളള കേരളത്തിന്റെ ഹര്‍ജി ഇന്ന് സുപ്രിംകോടതിയില്‍

ഡല്‍ഹി: ഗവർണർക്കെതിരെയുളള കേരളത്തിന്റെ ഹർജി സുപ്രിംകോടതി ഇന്ന് പരിഗണിക്കും. രണ്ടേമുക്കാല്‍ വർഷത്തിലധികമായി ബില്ലുകള്‍ തടഞ്ഞുവെച്ചെന്നതാണ് ഹർജി.

എട്ട് ബില്ലുകളില്‍ ഏഴും തടഞ്ഞു, അംഗീകാരം നല്‍കിയത് ഒന്നിന് മാത്രമാണെന്നും ബില്ലുകള്‍ രാഷ്ട്രപതിക്കയച്ച നടപടി ഭരണഘടനാ വിരുദ്ധമെന്നും ഹരജിയില്‍ ചൂണ്ടിക്കാട്ടുന്നു. ഗവർണ്ണറുടെ നടപടിക്ക് ആധാരമായ രേഖകള്‍ സുപ്രിംകോടതി വിളിച്ചുവരുത്തണമെന്നാണ് പ്രധാന ആവശ്യങ്ങളില്‍ ഒന്ന്. ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ബെഞ്ചാണ് ഹരജി പരിഗണിക്കുന്നത്.