ഞായറാഴ്ച പുലർച്ചെ ഡബ്ലിനിലെ ഒ'കോണൽ സ്ട്രീറ്റ് ഏരിയയിൽ ഒരു വിനോദസഞ്ചാരി ക്രൂരമായി ആക്രമിക്കപ്പെട്ടു. നാൽപ്പതുകളോളം പ്രായമുള്ള കനേഡിയൻ വംശജനായ വിനോദ സഞ്ചാരി ഗുരുതരാവസ്ഥയിൽ ആശുപത്രിയിൽ തുടരുകയാണ്.
ഞായറാഴ്ച വൈകുന്നേരം "ഗുരുതരമായ" പരിക്കുകൾക്കായി മെറ്റർ ഹോസ്പിറ്റലിൽ കൊണ്ടുവന്നതിനുശേഷം "ജീവനുവേണ്ടി പോരാടുകയാണ്.
ഞായറാഴ്ച പുലർച്ചെ ഒരു മണിയോടെ, നടന്ന സംഭവസ്ഥലത്തിന് സമീപം 20-നും 30-നും ഇടയിൽ പ്രായമുള്ള റൊമാനിയില്‍ നിന്നുള്ള കുടിയേറ്റക്കാരനായ Madalin Ghiuzan-നെയും മറ്റൊരാളെയും ഗാര്‍ഡ അറസ്റ്റ് ചെയ്തിരുന്നു. ശേഷം കൂടെയുള്ള ആളെ വെറുതെവിടുകയും, കുറ്റം ചുമത്തിയ Ghiuzan-നെ ഇന്നലെ ഡബ്ലിന്‍ ജില്ലാ കോടതിയില്‍ ഹാജരാക്കുകയും ചെയ്തു. പ്രതിയുടെ മേല്‍ 10 വര്‍ഷം വരെ തടവ് ലഭിക്കാവുന്ന കുറ്റങ്ങളാണ് ഗാര്‍ഡ ചുമത്തിയിരിക്കുന്നത്.
വിചാരണവേളയില്‍ പ്രതി യാതൊരു പ്രതികരണവും നടത്തിയില്ല. ദ്വിഭാഷിയുടെ സഹായത്തോടെ നടത്തിയ വിചാരണയില്‍ കേസിന്റെ ഗൗരവം കണക്കിലെടുത്ത് ജഡ്ജ് പ്രതിക്ക് ജാമ്യം നിഷേധിക്കുകയായിരുന്നു.
ജാമ്യം നല്‍കിയാല്‍ രാജ്യം വിട്ടേക്കുമെന്ന ഗാര്‍ഡയുടെ വാദവും കണക്കിലെടുത്തു. കഴിഞ്ഞ അഞ്ച് വര്‍ഷമായി ഒരു കുടുംബാംഗത്തോടൊപ്പമാണ് പ്രതി അയര്‍ലണ്ടില്‍ താമസിച്ചുവരുന്നത്.
സംഭവത്തിൽ അന്വേഷണം നടന്നുവരികയാണെന്നും കാതൽ ബ്രുഗ സ്ട്രീറ്റ് ഏരിയയിൽ, ലിവിംഗ് റൂം ബാറിന് സമീപം, 12:40 നും പുലർച്ചെ 1 നും ഇടയിൽ, ഓ'കോണൽ സ്ട്രീറ്റ് അപ്പർ, സ്പാർ, ഫൺലാൻഡ്, അല്ലെങ്കിൽ ടൂറിസം ഓഫീസ് എന്നിവയ്‌ക്ക് സമീപം ഉണ്ടായിരുന്ന ഡാഷ് ക്യാം ഫൂട്ടേജ് ഉൾപ്പെടെയുള്ള ക്യാമറാ ദൃശ്യങ്ങൾ കൈവശമുള്ളവരോട് ഗാർഡയ്ക്ക് ഇത് ലഭ്യമാക്കാൻ ആവശ്യപ്പെട്ടിട്ടുണ്ട്, കൂടാതെ വിവരമുള്ളവർ സ്റ്റോർ സ്ട്രീറ്റ് ഗാർഡാ സ്റ്റേഷനെ 01 666 8800, ഗാർഡ കോൺഫിഡൻഷ്യൽ ലൈൻ 1800 666 111 അല്ലെങ്കിൽ ഏതെങ്കിലും ഗാർഡ സ്റ്റേഷനുമായി ബന്ധപ്പെടണം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.