ന്യൂഡല്ഹി: വന്ദേഭാരത് എക്സ്പ്രസിലെ ഭക്ഷണത്തില്നിന്ന് പാറ്റയെ കിട്ടിയതായി ദമ്പതികളുടെ പരാതി. ജൂണ് 18ന് ഭോപ്പാലില് നിന്ന് ആഗ്രയിലേക്കുള്ള യാത്രയ്ക്കിടെ ഓര്ഡര് ചെയ്ത ഭക്ഷണത്തിലാണ് പാറ്റയെ കണ്ടെത്തിയത്.
സംഭവത്തില് ഭക്ഷണ വിതരണക്കാര്ക്ക് പിഴ ചുമത്തുകയും കര്ശന നടപടി സ്വീകരിക്കുകയും ചെയ്തതായി ഐആര്സിടിസി പ്രതികരിച്ചു. 'സര്, നിങ്ങള്ക്ക് ഉണ്ടായ യാത്രാ അനുഭവത്തില് ഞങ്ങള് ക്ഷമ ചോദിക്കുന്നു. വിഷയം ഗൗരവമായി കാണുകയും ബന്ധപ്പെട്ട സേവന ദാതാവില് നിന്ന് പിഴ ചുമത്തുകയും ചെയ്തിട്ടുണ്ട്. ഉല്പ്പാദനവും ലോജിസ്റ്റിക്സ് നിരീക്ഷണവും ഞങ്ങള് ശക്തമാക്കിയിട്ടുണ്ട്,' ഐആര്സിടിസി പ്രതികരിച്ചു.
വന്ദേഭാരത് ട്രെയിനിലെ ഭക്ഷണത്തില് പാറ്റയെ കണ്ടെത്തുന്നത് ഇതാദ്യമല്ല. ഫെബ്രുവരിയില്, കമലപതിയില് നിന്ന് ജബല്പൂര് ജങ്ഷനിലേക്കുള്ള യാത്രയില് റെയില്വെ നല്കിയ ഭക്ഷണത്തില് ചത്ത പാറ്റയെ കണ്ടതായി മറ്റൊരു യാത്രക്കാരന് പരാതി നല്കിയിരുന്നു.
കഴിഞ്ഞ വര്ഷം ജൂലൈയില് ഭോപ്പാല്-ഡല്ഹി വന്ദേ ഭാരത് എക്സ്പ്രസിലെ ഭക്ഷണത്തില് പാറ്റയെ കണ്ടെത്തിയതിനെത്തുടര്ന്ന് റെയില്വേ ഭക്ഷണ വിതരണക്കാരന് 25,000 രൂപ പിഴ ചുമത്തിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.