യുഎഇയിൽ വിസ കാലാവധിക്ക് ശേഷവും രാജ്യത്ത് തുടരുന്നവർക്ക് പിഴയടയ്ക്കേണ്ടി വരും

യുഎഇ: യുഎഇയിൽ വിസ കാലാവധിക്ക് ശേഷവും രാജ്യത്ത് തുടരുന്നവർക്ക് മുന്നറിയിപ്പുമായി അധികൃതർ. 

ടൂറിസ്റ്റ്, റസിഡൻസ് തുടങ്ങി ഏത് വിസയിലായിരുന്നവരും വിസ കാലാവധിക്ക് ശേഷം യുഎഇ വിട്ടില്ലെങ്കിൽ ഓവർസ്റ്റേ പിഴയടയ്ക്കേണ്ടി വരും. 

പിഴകൾ പ്രതിദിനം 50 ദിർഹമായി നിശ്ചയിച്ചിട്ടുണ്ടെങ്കിലും മറ്റ് അധിക ഫീസുകളും നൽകേണ്ടി വരും. പ്രതിദിന പിഴയ്ക്കു പുറമെ താഴെ പറയുന്ന ഫീസുകളും നൽകണം.

• ഓവർസ്റ്റേ പിഴ: പ്രതിദിനം 50 ദിർഹം
• ഇ-സേവന ഫീസ്: ദിർഹം 28 + 1.40ദിർഹം വാറ്റ്
• ഐസിപി ഫീസ്: ദിർഹം 122
• ഇലക്‌ട്രോണിക് പേയ്‌മെൻ്റ് ഫീസ്: ദിർഹം 2.62 + ദിർഹം 1.53 വാറ്റ്
• സ്‌മാർട്ട് സേവന ഫീസ് (ഓൺലൈൻ പേയ്‌മെൻ്റിന്): 100 ദിർഹം

നിങ്ങളുടെ ഫയലിൽ ഒളിച്ചോടിയ കേസ് പോലെയുള്ള മറ്റ് ലംഘനങ്ങൾ ഉണ്ടെങ്കിൽ, ആ ലംഘനങ്ങൾ നിങ്ങളുടെ ഫയലിൽ നിന്ന് നീക്കം ചെയ്യാൻ ഫീസടയ്ക്കേണ്ടി വരും.

 ഉദാഹരണത്തിന്, നിങ്ങൾ ഒരു ട്രാവൽ ഏജൻ്റിന് വിസയ്‌ക്കായി പണം നൽകുകയും പിന്നീട് രാജ്യത്ത് കൂടുതൽ താമസിക്കുകയും ചെയ്‌താൽ ഒളിവിൽ പോയ കേസും ഫയൽ ചെയ്യപ്പെടും. ഒളിച്ചോടിയ കേസിലെ പിഴ ആദ്യം അടയ്‌ക്കേണ്ടതായി വരും എങ്കിൽ മാത്രമേ ഫയലിൽ നിന്ന് നീക്കം ചെയ്യുകയുള്ളൂ. 

അമേർ സെൻ്റർ അല്ലെങ്കിൽ രജിസ്റ്റർ ചെയ്ത ടൈപ്പിംഗ് സെൻ്ററുകൾ വഴിയോ ഫെഡറൽ അതോറിറ്റി ഫോർ ഐഡൻ്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) വഴിയോ തുടക്കത്തിൽ നിങ്ങളുടെ വിസയ്ക്ക് അപേക്ഷിച്ച ട്രാവൽ ഏജൻ്റ് മുഖേനയോ എമിഗ്രേഷൻ ഡിപ്പാർട്ട്മെൻ്റിൽ, എയർപോർട്ടിൽ, നിങ്ങൾ രാജ്യം വിടുമ്പോഴോ പിഴ അടയ്ക്കാവുന്നതാണ്.