തിരുവനന്തപുരം: തിരുവനന്തപുരത്ത് പോലീസ് ഉദ്യോഗസ്ഥൻ തൂങ്ങിമരിച്ച നിലയില്‍. തിരുവനന്തപുരം സിറ്റി ട്രാഫിക് എൻഫോഴ്സ്മെന്റ് യൂണിറ്റില്‍ (നോർത്ത്) ജോലി ചെയ്തുവന്ന മദന കുമാർ എന്ന സിവില്‍ പോലീസ് ഓഫീസറെയാണ് തിങ്കളാഴ്ച തൂങ്ങിമരിച്ച നിലയില്‍ കാണപെട്ടത്.
ജീവനൊടുക്കുന്ന പോലീസുകാരുടെ എണ്ണം കേരളത്തില്‍ ഉയർന്നു വരികയാണ്. മാർച്ചില്‍ ആലുവ ഈസ്റ്റ് സ്റ്റേഷനിലെ സബ് ഇൻസ്‌പെക്ടർ കെ.ആർ. ബാബുരാജിൻ്റെ (49) മൃതദേഹം അങ്കമാലി പുളിയനത്തെ വീടിന് സമീപത്തെ മരത്തില്‍ തൂങ്ങിയ നിലയില്‍ കണ്ടെത്തിയിരുന്നു.
സ്‌പെഷ്യല്‍ ബ്രാഞ്ചില്‍ ഏറെ നാളത്തെ സേവനത്തിന് ശേഷം ആലുവ ഈസ്റ്റ് സ്റ്റേഷനിലേക്ക് സ്ഥലംമാറ്റം ലഭിച്ചതിനാല്‍ സ്ഥലംമാറ്റവുമായി പൊരുത്തപ്പെടാൻ ഇദ്ദേഹത്തിന് പ്രയാസമുണ്ടായിരുന്നതായി റിപ്പോർട്ട് ഉണ്ട്.
പോലീസ് സേനയിലെ അംഗങ്ങള്‍ക്കിടയില്‍ ആത്മഹത്യാ മരണങ്ങള്‍ കൂടുതലായി തുടരുന്ന സാഹചര്യത്തില്‍, മാനസിക ആഘാതവും മറ്റ് പ്രശ്നങ്ങളും നേരിടുന്ന ഉദ്യോഗസ്ഥരെ സഹായിക്കാൻ ഒരു സപ്പോർട്ട് ഗ്രൂപ്പ് ആരംഭിക്കുന്നതിനുള്ള നടപടി എറണാകുളം റൂറല്‍ ഡിവിഷൻ അടുത്തായി ആരംഭിച്ചിരുന്നു.
ജോലി സമ്മർദം, കുടുംബം, സാമ്പത്തിക പ്രശ്നങ്ങള്‍ എന്നിവ കാരണം കഴിഞ്ഞയാഴ്ച മാത്രം സംസ്ഥാനത്തുടനീളം അഞ്ച് പോലീസുകാർ ആത്മഹത്യ ചെയ്ത സമയത്താണ് ഇത്തരമൊരു സംരംഭം ഉയർന്നു വന്നത്. ഒരുപക്ഷേ കേരളത്തില്‍ ഇത്തരത്തിലുള്ള ആദ്യ ചുവടുവയ്പ്പാണിത്.
എറണാകുളം റൂറല്‍ പോലീസ് മേധാവി വൈഭവ് സക്‌സേനയുടെ ആശയത്തില്‍ രൂപീകരിച്ച സപ്പോർട്ട് ഗ്രൂപ്പ്, അഡീഷണല്‍ ജില്ലാ പോലീസ് സൂപ്രണ്ടിൻ്റെ (എഡിഎസ്പി) മാർഗനിർദേശപ്രകാരം പ്രവർത്തിക്കുന്നു, എറണാകുളം റേഞ്ച് ഡിഐജി പുട്ട വിമലാദിത്യയുടെ മേല്‍നോട്ടത്തിലാണ് ഇത് പ്രവർത്തിക്കുന്നത്.
കഴിഞ്ഞ വർഷം മറ്റൊരു കേസില്‍ കളമശ്ശേരിയിലെ ആംഡ് റിസർവ് പോലീസ് ക്യാമ്പിലെ ഡ്രൈവർ ജോബി ദാസ് (48) ആത്മഹത്യ ചെയ്തിരുന്നു. ഏതാനും സഹപ്രവർത്തകരുടെ ഇടപെടല്‍ കാരണം തനിക്ക് ശമ്പള വർദ്ധനവ് നിഷേധിച്ചതിനെത്തുടർന്നുണ്ടായ മനോവിഷമത്തില്‍ ജോബി തൂങ്ങിമരിക്കുകയായിരുന്നു എന്നാണ് റിപ്പോർട്ട്. ഡിപ്പാർട്ട്‌മെൻ്റില്‍ ജോലി ചെയ്യരുത് എന്ന് ജോബി തൻ്റെ ആത്മഹത്യാ കുറിപ്പില്‍ തൻ്റെ രണ്ട് മക്കള്‍ക്കായി ഉപദേശം നല്‍കിയിരുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.