ഇന്ധനം നിറയ്ക്കാനെത്തിയ ഗുഡ്സ് ഓട്ടോയില്‍ തീപടര്‍ന്നു: ജീവനക്കാരൻ്റെ സമയോചിതമായ ഇടപെടലിൽ ഒഴിവായത് വൻ ദുരന്തം

കോഴിക്കോട്: ഇന്ധനം നിറയ്ക്കാനെത്തിയ ഗുഡ്സ് ഓട്ടോയില്‍ നിന്ന് തീ ഉയർന്നത് പരിഭ്രാന്തിപരത്തി. പെട്രോള്‍ പമ്പ് ജീവനക്കാരനായ യുവാവിന്റെ സമയോചിത ഇടപെടലാണ് വലിയ ദുരന്തം ഒഴിവാക്കിയത്.

കോഴിക്കോട് മുക്കം നോർത്ത് കാരശ്ശേരിയിലെ കെ.സി.കെ പെട്രോള്‍ പമ്പിലാണ് സംഭവം.

ഇന്ധനം നിറയ്ക്കാനായി നിർത്തിയിട്ട ഓട്ടോയുടെ അടിഭാഗത്ത് തീപിടിക്കുന്നതിന്റെ ദൃശ്യങ്ങളും പുറത്തുവന്നു. തീ ശ്രദ്ധയില്‍പ്പെട്ടതോടെ ഡ്രൈവർ പരിഭ്രാന്തനാകുന്നതും പമ്പിലെ മുജാഹിദ് എന്ന ജീവനക്കാരൻ ഉടൻ ഫയർ എക്സ്റ്റിങ്ഗ്വിഷർ

ഉപയോഗിച്ച്‌ തീ അണയ്ക്കുന്നതും വീഡിയോയില്‍ കാണാം. ഉടൻ തീ അണയ്ക്കാനായതിനാല്‍ വലിയ അപകടം ഒഴിവായി