ജെയ്പൂർ ദേവി നഗർ ശ്രീ ധർമ്മ ശാസ്താ ക്ഷേത്രത്തിലെ പുന പ്രതിഷ്ഠ മഹോത്സവം തന്ത്രി താഴമൺ മഠം ശ്രീ കണ്ഠരരു മോഹനരുടെ കാർമികത്വത്തിൽ നടന്നു.

അനിൽ കുമാർ ✍️

രാജസ്ഥാൻ:ജയ്പൂരിലെ അതി പ്രശസ്തമായതും കേരള തനിമയിൽ നിർമ്മിതവുമായ ദേവി നഗർ ശ്രീ ധർമ്മ ശാസ്താ ക്ഷേത്രത്തിലെ പുനപ്രതിഷ്ഠ മഹോത്സവം ജൂൺ 18മുതൽ 20 വരെ വിപുലമായ രീതിയിൽ താഴമൺ മഠം തന്ത്രി ശ്രീ കണ്ഠരരു മോഹനരുടെ കാർമികത്വത്തിൽ നടന്നു.

മൂന്നു ദിവസങ്ങളിലായി വിശേഷാൽ പൂജകളും അന്നദാനവും പ്രസാദ വിതരണവും ഉണ്ടായിരുന്നു. പ്രസ്തുത ചടങ്ങിൽ നൂറു കണക്കിന് ഭക്ത ജനങ്ങൾ പങ്കെടുത്തു.

നിരവധി മലയാളി കുടുംബങ്ങൾ താമസിക്കുന്ന ജെയ്പൂരിലെ കേരള മോഡൽ ക്ഷേത്ര ചടങ്ങുകൾ പ്രദേശ വാസികൾക്കും ഏറെ ഹൃദ്യമായി.

മണ്ഡല കാലത്ത് വിശേഷാൽ പൂജ നടക്കുന്ന ദേവി നഗർ ശ്രീ ധർമ്മ ശാസ്താ ക്ഷേത്രത്തിൽ ഇത്തവണയും പൂജാ ചടങ്ങുകൾക്കായി നിരവധി ഭക്ത ജനങ്ങൾ എത്തിയതായും ഭാരവാഹികൾ പറഞ്ഞു.