ചോറ്റാനിക്കര ദേവീ ക്ഷേത്രത്തിൽ തീപിടുത്തം

കൊച്ചി: കൊച്ചിൻ ദേവസ്വം ബോർഡിന്റെ പ്രധാനക്ഷേത്രമായ ചോറ്റാനിക്കര ദേവീ ക്ഷേത്രത്തിലെ തിടപ്പള്ളിയില്‍ തീപിടിത്തം. 

രാവിലെ പന്തീരടി പൂജയ്‌ക്ക് മുൻപായി 6.45-നാണ് തീപിടിത്തമുണ്ടായതെന്നാണ് പുറത്തു വരുന്ന വിവരം. പന്തീരടി പൂജ നടക്കുന്നതിനാല്‍ ഭക്തർ ക്ഷേത്ര ശ്രീകോവില്‍ ഭാഗത്ത് ഉണ്ടായിരുന്നില്ല.

കീഴ്ശാന്തിമാരും, കഴകക്കാരും ചേർന്ന് തീ അണച്ചതിനാല്‍ വൻ അപകടം ഒഴിവായി. നിവേദ്യം പാചകം ചെയ്യുന്നതിനിടെയായിരുന്നു തീ പിടിത്തം. കാര്യമായ നാശനഷ്ടങ്ങളില്ല