മലപ്പുറത്ത്‌ വീട്ടിൽ അതിക്രമിച്ചു കയറി യുവതിയെ കൂട്ടബലാത്സംഗം ചെയ്തതായി പരാതി

മലപ്പുറം: വളാഞ്ചേരിയില്‍ യുവതിയെ കൂട്ടബലാത്സംഗംചെയ്തതായി പരാതി. ഞായറാഴ്ച രാത്രി വീട്ടില്‍ അതിക്രമിച്ചുകടന്ന മൂന്നംഗസംഘം ബലാത്സംഗംചെയ്തുവെന്നാണ് പരാതി.

യുവതിയെ ആശുപത്രിയില്‍പ്രവേശിപ്പിച്ചു. പരാതിയില്‍ വളാഞ്ചേരി പോലീസ് കേസെടുത്തു.ഞായറാഴ്ച ബന്ധുവീട്ടിലായിരുന്നു യുവതി. 

ഇവിടെ മൂന്നുപേര്‍ അതിക്രമിച്ചുകയറി ലൈംഗികപീഡനത്തിന് ഇരയാക്കിയെന്നാണ് പരാതി. വളാഞ്ചേരി പോലീസ് നടത്തിയ പ്രാഥമിക അന്വേഷണത്തില്‍ സംഭവം സ്ഥിരീകരിച്ചു.

രണ്ടുപേര്‍ പോലീസ് കസ്റ്റഡിയിലുണ്ട്. മറ്റൊരാള്‍ക്കായി തിരച്ചില്‍ തുടരുകയാണ്. ആശുപത്രിയില്‍ ചികിത്സയിലുള്ള യുവതിക്ക് ആരോഗ്യപ്രശ്‌നങ്ങളുണ്ട്‌.