തിരുവനന്തപുരം: മഞ്ഞപ്പിത്തം (ഹെപ്പറ്റൈറ്റിസ്-എ) പ്രധാനമായും മലിനമായ വെള്ളത്തിലൂടെ പകരുന്ന രോഗമായതിനാല് തിളപ്പിച്ചാറ്റിയ വെള്ളം മാത്രമേ കുടിക്കാന് പാടുള്ളൂവെന്ന് ആരോഗ്യ മന്ത്രി വീണാ ജോര്ജ്.
.jpeg)
മലിനമായ ജലസ്രോതസുകളിലൂടെയും മലിനമായ വെള്ളം ഉപയോഗിച്ച് നിര്മ്മിക്കുന്ന ഭക്ഷണം, ഐസ്, ശീതള പാനിയങ്ങള് എന്നിവയിലൂടെയും മലിനജലം ഉപയോഗിച്ച് പാത്രം കഴുകുക, കൈ കഴുകുക തുടങ്ങിയവയിലൂടെയും സെപ്റ്റിക് ടാങ്കുകളിലെ ചോര്ച്ച മുഖേന കിണറുകളിലെ വെള്ളം മലിനമാകുന്നതിലൂടെയും ഹെപ്പറ്റൈറ്റിസ്-എ ഉണ്ടാകാന് സാധ്യതയുണ്ട്.
മറ്റ് അനുബന്ധ രോഗങ്ങളുള്ളവര്ക്ക് ഹെപ്പറ്റൈറ്റിസ്-എ ബാധിച്ചാല് ഗുരുതരമാകാന് സാധ്യതയുള്ളതിനാല് വളരെ ശ്രദ്ധിക്കണം. എന്തെങ്കിലും രോഗലക്ഷണങ്ങള് കണ്ടാല് ഉടന് തന്നെ ചികിത്സ തേടണമെന്നും മന്ത്രി അഭ്യര്ത്ഥിച്ചു.
മലപ്പുറം, എറണാകുളം, കോഴിക്കോട്, തൃശൂര് ജില്ലകളില് മഞ്ഞപ്പിത്ത പ്രതിരോധ പ്രവര്ത്തനങ്ങള് കൂടുതല് ശക്തമാക്കാന് മന്ത്രി നിര്ദേശം നല്കി. ആരോഗ്യ വകുപ്പ് ജില്ലാ തലത്തിലും സംസ്ഥാനതലത്തിലും യോഗം ചേര്ന്ന് പ്രവര്ത്തനങ്ങള് ഏകോപിച്ചു.
മലപ്പുറം ചാലിയാര്, പോത്തുകല് ഭാഗങ്ങളില് ഹെപ്പറ്റൈറ്റിസ് മരണങ്ങള് റിപ്പോര്ട്ട് ചെയ്ത സാഹചര്യത്തില് ആരോഗ്യ വകുപ്പിന്റെ നേതൃത്വത്തില് ഈ പ്രദേശങ്ങളില് സ്വീകരിച്ചിരുന്ന പ്രതിരോധ-അവബോധ പ്രവര്ത്തനങ്ങള് വിലയിരുത്തി ആക്ഷന് പ്ലാന് രൂപീകരിച്ചു. പോത്തുകല്ലില് മഞ്ഞപ്പിത്തം നിയന്ത്രണ വിധേയമായിരുന്നു.
എന്നാല് പുതിയ കേസുകള് റിപ്പോര്ട്ട് ചെയ്തതിനെ തുടര്ന്ന് ജില്ലാ മെഡിക്കല് ഓഫീസറുടെ നേതൃത്വത്തില് ജില്ലാ ഭരണകൂടവും ജനപ്രതിനിധികള് ഉള്പ്പെടെയുള്ളവരുടെ നേതൃത്വത്തില് ചാലിയാറിലും പോത്തുകല്ലിലും യോഗങ്ങള് ചേര്ന്ന് പ്രതിരോധ പ്രവര്ത്തനങ്ങള് ശക്തമാക്കി.
രോഗബാധിത പ്രദേശങ്ങളിലെ എല്ലാ കുടിവെള്ള സ്രോതസുകളിലും ക്ലോറിനേഷന് നടത്താന് നിര്ദേശം നല്കി. എല്ലാ ഹോട്ടലുകളോടും റെസ്റ്റോറന്റുകളോടും തിളപ്പിച്ചാറ്റിയ വെള്ളം മാത്രം നല്കാന് നിര്ദേശം നല്കിയിട്ടുണ്ട്.
ജ്യൂസിന് ഉപയോഗിക്കുന്ന ഐസ് ശുദ്ധ ജലം കൊണ്ട് മാത്രമേ നിര്മ്മിക്കാവൂ. ഭക്ഷ്യ സ്ഥാപനങ്ങളില് ജോലി ചെയ്യുന്നവരുടെ ഹെല്ത്ത് കാര്ഡ് പരിശോധന കര്ശനമാക്കി. മഞ്ഞപ്പിത്തത്തിന് സ്വയം ചികിത്സ പാടില്ല.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.