പൊലീസ് അക്കാദമിയില്‍ വനിതാ ഉദ്യോഗസ്ഥയ്ക്ക് നേരെ ലൈംഗികാതിക്രമം: കേസ് ഒതുക്കി തീര്‍ക്കാന്‍ ശ്രമമെന്ന് പരാതി

തൃശൂര്‍: പോലീസ് അക്കാദമിയില്‍ വനിതാ ഉദ്യോഗസ്ഥയ്ക്ക് നേരേ ലൈംഗികാതിക്രമമെന്ന് പരാതി. അക്കാദമി ഡയറക്ടര്‍ക്ക് വനിതാ ഉദ്യോഗസ്ഥ രേഖാമൂലം പരാതി നല്‍കി.

ഓഫീസില്‍ വിളിച്ചുവരുത്തി അതിക്രമം നടത്തിയെന്നാണ് പരാതി. ഉദ്യോഗസ്ഥനെതിരേ അടിയന്തരമായി നടപടിയെടുക്കണമെന്നും ജോലി മാറ്റം വേണമെന്നും പരാതിയില്‍ ആവശ്യപ്പെട്ടിട്ടുണ്ട്.

ഈ മാസം 17,22 എന്നീ തീയതികളിലാണ് സംഭവമുണ്ടായത്. പ്രിന്റ് എടുക്കാന്‍ ഉദ്യോഗസ്ഥയെ വിളിച്ചശേഷം ദേഹത്ത് അനാവശ്യമായി സ്പര്‍ശിക്കുകയായിരുന്നു. ഉദ്യോഗസ്ഥയുടെ പരാതിയില്‍ ആഭ്യന്തര അന്വേഷണം തുടങ്ങി. എന്നാല്‍ കേസ് ഒതുക്കി തീര്‍ക്കാന്‍ ശ്രമങ്ങളും നടക്കുന്നുണ്ടെന്ന ആരോപിണവും ഉയര്‍ന്നിട്ടുണ്ട്.