"യുകെ യാത്ര" പെൺകുട്ടി വിമാനത്താവളത്തിൽ കുഴഞ്ഞുവീണു, ചികിത്സയിലിരിക്കെ മരണപ്പെട്ടു

ഹരിപ്പാട്: പള്ളിപ്പാട് നീണ്ടൂർ കൊണ്ടൂരേത്ത്  സുരേന്ദ്രൻ- അനിത ദമ്പതികളുടെ മകൾ സൂര്യ സുരേന്ദ്രൻ (24) ആണ് മരിച്ചത്. 

ബി എസ് സി നഴ്സിംഗ് പാസ്സായ സൂര്യയ്ക്ക് യു.കെയിൽ ജോലി ലഭിച്ചതിനെ തുടർന്ന് ഞായർ രാവിലെ 11.30 ഓടെ നെടുമ്പാശ്ശേരി വിമാനത്താവളത്തിലേക്ക് യാത്രയായിരുന്നു. 

നെടുമ്പാശ്ശേരി എത്തുന്നതിന് മുമ്പായി രണ്ടു പ്രാവശ്യം സൂര്യ ഛർദ്ദിച്ചിരുന്നു. വഴിമധ്യേ സ്വകാര്യ ആശുപത്രിയിൽ കയറി  ചികിത്സ തേടിയിരുന്നു പിന്നീട് വിമാനത്താവളത്തിലെത്തി ചെക്ക് ഇൻ ചെയ്യാൻ നിൽക്കുന്നതിനിടയിൽ കുഴഞ്ഞു വീഴുകയായിരുന്നു. ഉടൻ തന്നെ എറണാകുളത്തെ സ്വകാര്യ ആശുപത്രിയിലും പിന്നീട് മാന്നാർ പരുമലയിലെ സ്വകാര്യ ആശുപത്രിയിലും പ്രവേശിപ്പിച്ച് ചികിത്സ തുടരുന്നതിനിടയിൽ ഇന്നലെ രാവിലെ 10.30 ഓടെ മരിച്ചു. 

പരുമലയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ആലപ്പുഴ വണ്ടാനം മെഡിക്കൽകോളജ് ആശുപത്രിയിൽ പോസ്റ്റ് മോർട്ടം നടത്തിയശേഷം ബന്ധുക്കൾക്ക് വിട്ടു കൊടുക്കും.