കുടുംബ വഴക്ക്: മലപ്പുറത്ത് ഭാര്യയെ വെട്ടിക്കൊന്നു, ഭര്‍ത്താവ് പോലീസിൽ കീഴടങ്ങി,

മലപ്പുറം: മലപ്പുറം നിലമ്പൂർർ മമ്പാട് പുള്ളിപ്പാടത്തു ഭർത്താവ് ഭാര്യയെ വെട്ടിക്കൊലപെടുത്തി. നിഷാമോള്‍ (32) ആണ് വാടക ക്വാർട്ടേഴ്സില്‍ കൊല്ലപ്പെട്ടത്.

സംഭവശേഷം ഭർത്താവ് ചുങ്കത്തറ കുറ്റിമുണ്ട ചെറുവള്ളിപ്പാറ ഷാജി (43) സ്റ്റേഷനില്‍ കീഴടങ്ങി. 

കുടുംബ വഴക്കാണ് കൊലപാതകത്തിന് കാരണമായതെന്നു പൊലീസ് പറഞ്ഞു. മക്കളുടെ കണ്‍മുന്നില്‍ വച്ചായിരുന്നു കൊലപാതകം. ഇന്നലെ വൈകിട്ട് 6.30നായിരുന്നു സംഭവം നടന്നത്.

ബഹളം കേട്ടു ഓടിയെത്തിയ നാട്ടുകാരാണ് തലക്ക് വെട്ടേറ്റ നിലയില്‍ നിഷയെ കണ്ടത്. ഉടൻ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.