തിരുവനന്തപുരം:വ്യാഴാഴ്ച ഇടവ വെറ്റക്കടയ്ക്കു സമീപം കടലില് മുങ്ങിമരിച്ച നിലയില് കണ്ടെത്തിയ പത്താം ക്ലാസ് വിദ്യാര്ഥിനി ശ്രേയയുടെ മൃതദേഹം സംസ്കരിച്ചു.
പഠനത്തിലും പാഠ്യേതര പ്രവര്ത്തനങ്ങളിലും മിടുക്കിയായിരുന്ന ശ്രേയയുടെ വിയോഗത്തിന്റെ ഞെട്ടലിലാണ് കുടുംബവും നാട്ടുകാരും. വീട്ടില് മൊബൈല് ഫോണ് അമിതമായി ഉപയോഗിക്കുന്നുവെന്ന് വഴക്ക് പറഞ്ഞ് ഫോണ് വാങ്ങിവച്ചിരുന്നു.ഇതിനുശേഷം ശ്രേയയെ വീട്ടില് കാണാതിരുന്നതോടെ നടത്തിയ തിരച്ചിലിനൊടുവിലാണ് അരമണിക്കൂറിനു ശേഷം മൃതദേഹം കടലില്നിന്നു കണ്ടെത്തിയത്. ശ്രേയയ്ക്കൊപ്പം മറ്റൊരു കുട്ടിയുമുണ്ടായിരുന്നുവെന്ന് അഭ്യൂഹമുയര്ന്നെങ്കിലും അയിരൂര് പൊലീസ് അതു തള്ളി.
പെണ്കുട്ടി ഒറ്റയ്ക്കു വന്നാണ് കടലിലേക്ക് ഇറങ്ങിയതെന്നും കടല് വല്ലാതെ ക്ഷോഭിച്ചിരുന്നതിനാല് രക്ഷിക്കാന് കഴിഞ്ഞില്ലെന്നും ദൃക്സാക്ഷികള് പൊലീസിനോടു പറഞ്ഞു. എങ്ങോട്ടാണു പോകുന്നതെന്നു ചോദിച്ച് ചില മത്സ്യത്തൊഴിലാളികള് ശ്രേയയെ തടഞ്ഞിരുന്നു.
എന്നാല് കടലിനടുത്ത് തന്റെ മാതാപിതാക്കള് ഉണ്ടെന്നു അവരോടു പറഞ്ഞാണ് ശ്രേയ കടലിലേക്ക് ഇറങ്ങിയത്. പെണ്കുട്ടി കടലിലേക്കാണ് നടന്നു നീങ്ങുന്നതെന്നു വ്യക്തമായതോടെ അവര് ഓടിച്ചെന്നെങ്കിലും രക്ഷിക്കാന് കഴിഞ്ഞില്ലെന്നും പൊലീസ് പറഞ്ഞു.
ഇടവ വെണ്കുളം ചെമ്പകത്തിന്മൂട് പ്ലാവിളയില് സാജന് ബാബുവിന്റെയും സിബിയുടെയും മകളാണ് ശ്രേയ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.