കോട്ടയം : വീട്ടമ്മയെയും ഭർത്താവിനെയും ആക്രമിച്ച കേസിൽ യുവാവിനെ പോലീസ് അറസ്റ്റ് ചെയ്തു.
ഇയാൾ കഴിഞ്ഞ ദിവസം വൈകിട്ട് 6 : 45 മണിയോടുകൂടി അയൽവാസിയായ വീട്ടമ്മയെ വഴിയിൽ വച്ച് തള്ളിയിട്ട് ഉപദ്രവിക്കാൻ ശ്രമിക്കുകയായിരുന്നു.
ഇത് കണ്ട് തടയാൻ ശ്രമിച്ച വീട്ടമ്മയുടെ ഭർത്താവിനെ ഇയാൾ കൈയിലിരുന്ന തുഴ കൊണ്ട് ആക്രമിക്കുകയായിരുന്നു. അക്രമണത്തിൽ ഭർത്താവിന്റെ കൈവിരലിന് പൊട്ടൽ സംഭവിക്കുകയും ചെയ്തു. ഇയാൾക്ക് വീട്ടമ്മയോടും കുടുംബത്തോടും വൈരാഗ്യം നിലനിന്നിരുന്നു.
ഇതിന്റെ തുടർച്ചയെന്നോണമാണ് വീട്ടമ്മയെയും ഭർത്താവിനെയും ഇയാൾ ആക്രമിച്ചത്. പരാതിയെ തുടർന്ന് കുമരകം പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു.
കുമരകം സ്റ്റേഷൻ എസ്.എച്ച്. ഓ കെ.ജെ തോമസ്, എസ്.ഐ അനീഷ് കുമാർ, സി.പി.ഓ മാരായ ഷൈജു, അമ്പാടി, അനീഷ്, രതീഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.