തിരുവനന്തപുരം: നെടുമങ്ങാട് പ്രായപൂര്ത്തിയാകാത്ത മകളെ കൊലപ്പെടുത്തി കിണറ്റില് തള്ളിയ കേസില് മാതാവിനും കാമുകനും ജീവപര്യന്തം കഠിനതടവ് ശിക്ഷ വിധിച്ച് കോടതി.
പിഴ അടയ്ക്കാത്തപക്ഷം പ്രതികള് ഒരു വര്ഷംകൂടെ അധിക തടവ് അനുവഭവിക്കണമെന്നും കോടതി വിധിച്ചു കാമുകനൊപ്പം ജീവിക്കാന് തടസമാകുമെന്ന് കരുതി 16 കാരിയായ മകള് മീരയെ കഴുത്തില് ഷാള് മുറുക്കി കൊന്ന് പൊട്ടക്കിണറ്റില് തള്ളിയെന്നാണ് കേസ്. 2019 ജൂണില് നെടുമങ്ങാടാണ് കേസിനാസ്പദമായ സംഭവമുണ്ടായത്.
മീരയുടെ അച്ഛന് നേരത്തെ മരിച്ചുപോയിരുന്നു. പിന്നീട് തന്റെ മുത്തശ്ശിയുടേയും മുത്തച്ഛനുമൊപ്പമായിരുന്നു കുട്ടി താമസിച്ചിരുന്നത്. മറ്റൊരു വീട്ടില് വാടകക്കു താമസിക്കുന്ന മഞ്ജു അനീഷുമായി അടുപ്പത്തിലായിരുന്നു. ഇവരുടെ ബന്ധം എതിര്ത്തതാണ് കൊലപാതകത്തിലേക്ക് നയിച്ചത്.
അനീഷിന്റെ സഹായത്തോടെ മഞ്ജു മകള് മീരയെ കഴുത്തില് ഷാള് മുറുക്കി കൊലപ്പെടുത്തി പൊട്ടക്കിണറ്റില് തള്ളുകയായിരുന്നു. കൊലപാതകത്തിനു ശേഷം തമിഴ്നാട്ടിലേക്ക് രക്ഷപ്പെട്ട പ്രതികളെ നാഗര്കോവിലില് വെച്ചാണ് പോലീസ് പിടികൂടുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.