ബിജെപി നേതാവ് മർദ്ദിക്കുകയും കള്ളക്കേസിൽ കുടുക്കുകയും ചെയ്തിൽ മനം നൊന്ത് ജീവനൊടുക്കിയ അഭിജിത്തിന്റെ വീട് സന്ദർശിച്ച് എസ്ഡിപിഐ നേതാക്കൾ

എറണാകുളം :ആലങ്ങാട് തിരുവാല്ലൂരിൽ ബിജെപി നേതാവ് സുരേഷും കൂട്ടരും മർദ്ദിക്കുകയും,  തുടർന്ന് പോലീസ് കള്ളക്കേസിൽ പെടുത്തുകയും ചെയ്ത മനോവിഷമത്തിൽ ആത്മഹത്യ ചെയ്ത അഭിജിത്തിന്റെ വീട് എസ്ഡിപിഐ നേതൃത്വം സന്ദർശിച്ചു.

ക്ഷേത്രത്തിലെ ഉത്സവത്തോടനുബന്ധിച്ച് നടന്ന സംഘർഷത്തിൽ ബിജെപി പ്രാദേശിക നേതാവ് സുരേഷും, ബിജെപി പ്രവർത്തകരും ചേർന്ന് അഭിജിത്തിനെ ക്രൂരമായി മർദ്ദിച്ചിരുന്നു. 

എന്നാൽ ഇതിനെതിരെ അഭിജിത്ത് നൽകിയ പരാതി സ്വീകരിക്കാതിരുന്ന പോലീസ് ബിജെപി പ്രവർത്തകർ നൽകിയ കള്ളക്കേസിൽ അഭിജിത്തിനെ പ്രതിചേർക്കുകയായിരുന്നു. 

ഇതിൽ മനംനൊന്താണ് അഭിജിത്ത് ആത്മഹത്യ ചെയ്തത്. അഭിജിത്തിന്റെ കുടുംബം ഉന്നത പോലീസ് ഉദ്യോഗസ്ഥർ, എംഎൽഎ, മനുഷ്യാവകാശ കമ്മീഷൻ, എന്നിവിടങ്ങളിലെല്ലാം  നീതി കിട്ടുന്നതിന് വേണ്ടി  പരാതി നൽകിയിട്ടുണ്ട്. അഭിജിത്തിന്റെ കുടുംബത്തിന് നീതി കിട്ടുന്നതിനു വേണ്ടി എല്ലാ സഹായസഹകരണങ്ങളും പാർട്ടി ഉറപ്പുനൽകി.

കളമശ്ശേരി മണ്ഡലം പ്രസിഡണ്ട് സാദിഖ് ഏലൂക്കര, സെക്രട്ടറി ഷാനവാസ് കൊടിയൻ, മണ്ഡലം ട്രഷറർ നാസിം പുളിക്കൽ, ആലങ്ങാട് പഞ്ചായത്ത് കമ്മിറ്റി പ്രസിഡന്റ് സലാഹുദ്ദീൻ നീറിക്കോട് തുടങ്ങിയവർ അഭിജിത്തിന്റെ വീട് സന്ദർശിച്ചു.