കേരളത്തിൽ സർക്കാർ വിരുദ്ധത വളരെയേറെ ഉണ്ടെന്ന് എസ്എൻഡിപി നേതാവ് വെള്ളാപ്പള്ളി നടേശൻ.

തിരുവനന്തപുരം : കേരളത്തിൽ സർക്കാർ വിരുദ്ധത വളരെയേറെ ഉണ്ടെന്ന് എസ്എൻഡിപി നേതാവ് വെള്ളാപ്പള്ളി നടേശൻ. എന്നാൽ ഇതിനു മുൻപ് അസംബ്ലി തിരഞ്ഞെടുപ്പിലും ഇത്തരത്തിൽ സർക്കാർ വിരുദ്ധത ഉണ്ടായിട്ടുണ്ടെന്ന് വെള്ളാപ്പള്ളി പറഞ്ഞു. 

ശബരിമല പ്രശ്നം , ശബളം മുടങ്ങിയത് പോലുള്ള കുറെ പ്രശ്നങ്ങൾ ഉണ്ടായിട്ടും വോട്ട് വന്നപ്പോള്‍ വാരികൊണ്ട് എൽഡിഎഫ് പോയെന്നും വെള്ളാപ്പള്ളി പറഞ്ഞു. ന്യൂസ് 18 കേരളത്തിനു നൽകിയ പ്രത്യേക അഭിമുഖത്തിലാണ് വെള്ളപ്പള്ളിയുടെ നിലപാട് .

ത്രികോണ മത്സരത്തിന്റെ ഗുണം ഇടത് പക്ഷത്തിനാണ് ലഭിക്കുന്നതെന്നും അടിയുറച്ച ഇടത് വോട്ടുകളിൽ പക്ഷെ കോട്ടം തട്ടില്ലെന്നും വെള്ളാപ്പള്ളി പറഞ്ഞു. എന്നാൽ പഴയ ഭൂരിപക്ഷം പലയിടത്തും എൽഡിഎഫിന് കിട്ടുമോ എന്ന് സംശയമെന്നും വെള്ളാപ്പള്ളി പറഞ്ഞു