കോട്ടയത്ത് മുഖ്യമന്ത്രി സംസാരിക്കുമ്പോൾ മൈക്ക് ഒടിഞ്ഞു വീണു; പിന്നീട് ഷോർട്ട് സർക്യൂട്ട്; എല്ലാം തടസ്സങ്ങൾ ആണല്ലോയെന്ന് മുഖ്യമന്ത്രി

കോട്ടയം: മുഖ്യമന്ത്രിയുടെ പ്രസംഗത്തിന് വീണ്ടും വില്ലനായി മൈക്ക്. ലോക്സഭാ തെരഞ്ഞെടുപ്പ് പ്രചാരണത്തിന്റെ ഭാഗമായി കോട്ടയത്ത് ഇടതുമുന്നണിയുടെ പ്രചാരണ യോഗത്തിൽ മുഖ്യമന്ത്രിയുടെ പ്രസംഗത്തിനിടെ മൈക്ക് ഒടിഞ്ഞു വീണു. പ്രശ്നം പരിഹരിച്ച് വീണ്ടും പ്രസംഗം തുടങ്ങിപ്പോൾ മൈക്ക് കൺട്രോൾ ചെയ്തിരുന്ന കേന്ദ്രത്തിൽ ഷോർട്ട് സർക്യൂട്ട് ഉണ്ടായി. 

കോട്ടയം ലോക്സഭാ മണ്ഡ‍ലത്തിലെ എല്‍ഡിഎഫ് സ്ഥാനാര്‍ത്ഥിയായ തോമസ് ചാഴിക്കാടന്റെ വിജയത്തിനായി തലയോലപ്പറമ്പിൽ സംഘടിപ്പിച്ച ഇടതുമുന്നണിയുടെ പ്രചാരണ പരിപാടിക്കിടെയായിരുന്നു സംഭവം.