ക്ഷേത്രം കുത്തിത്തുറന്ന് മോഷണം; 35,000 രൂപ കവർന്നു, അന്വേഷണം ഊര്‍ജ്ജിതമാക്കി പോലീസ്,,

ആലപ്പുഴ: ക്ഷേത്രം കുത്തിത്തുറന്ന് കവർച്ച നടത്തി. മാന്നാറിലെ പാവുക്കര തൃപ്പാവൂർ മഹാവിഷ്ണു ക്ഷേത്രത്തില്‍ ആണ് കവർച്ച നടന്നത്.

ഓഫീസ്മുറി കുത്തിത്തുറന്ന് 35000 രൂപയോളം മോഷ്ടിച്ചു.  മാന്നാർ പോലിസ് അന്വേഷണം ആരംഭിച്ചു. ക്ഷേത്ര ഭാരവാഹിയാണ് ഓഫീസ് മുറി കുത്തി തുറന്ന നിലയില്‍ കണ്ടെത്തിയത്

അകത്തു കയറി പരിശോധിച്ചപ്പോള്‍ അലമാരയും അതിനുള്ളിലെ ലോക്കറും തുറന്ന നിലയിലായിരുന്നു. രണ്ട് ബാഗുകളിലായി സൂക്ഷിച്ചിരുന്ന പണമാണ് കളളൻ കൊണ്ടുപോയത്. 

മറ്റൊരു ലോക്കറില്‍ സ്വർണ്ണം സൂഷിച്ചിരുന്നെങ്കിലും നഷ്ടപ്പെട്ടിട്ടില്ല. നാണയ തുട്ടുകള്‍ സൂക്ഷിച്ചിരുന്ന ബാഗും കളളൻ എടുത്തില്ല. പാവുക്കര 2295ാം നമ്പർ എൻഎസ്‌എസ് കരയോഗത്തിന്റെ ഉടമസ്ഥതയിലുള്ളതാണ് ക്ഷേത്രം.

ആലപ്പുഴയില്‍ നിന്നുള്ള ഡോഗ് സ്ക്വാഡും , ആലപ്പുഴയില്‍ നിന്നുള്ള വിരലടയാള വിദഗ്ദരായ അപ്പുക്കുട്ടൻ, നിമിഷ, സോബി വിൻസെന്റ്, ചന്ദ്രദാസ്. എന്നിവരുടെ നേതൃത്വത്തിലുള്ള സംഘവും മോഷണം നടന്ന ക്ഷേത്രത്തില്‍ എത്തി പരിശോധന നടത്തി