വർക്കല: വടശ്ശേരിക്കോണം ജങ്ഷനില് പ്രവർത്തിക്കുന്ന ടെക്സ് വാലി ടെക്സ്റ്റൈല്സില് വൻ തീപിടിത്തം. ആളപായമില്ലെങ്കിലും ശ്വാസ തടസ്സമുണ്ടായതുമൂലം ജീവനക്കാരെ ആശുപത്രിയിലാക്കി.സ്ഥാപനത്തിലെ വസ്ത്ര ശേഖരം പൂർണമായും അഗ്നിക്കിരയായി.
താഴെ പ്രവർത്തിക്കുന്ന മുത്തൂറ്റ് ബാങ്കിലെ ജീവനക്കാർക്കും ശ്വാസതടസ്സം അനുഭവപ്പെട്ടു. ഇവരെയെല്ലാം അടുത്തുള്ള സ്വാകാര്യ ആശുപത്രിയിലേക്ക് മാറ്റി.
തമിഴ്നാട് സ്വദേശികളാണ് വർഷങ്ങളായി സ്ഥാപനം നടത്തിവരുന്നത്. ലക്ഷങ്ങളുടെ നാശനഷ്ടമാണുണ്ടായത്. വർക്കല, ആറ്റിങ്ങല്, കിളിമാനൂർ മേഖലകളില് നിന്നുള്ള ചെറുകിട വ്യാപാര സ്ഥാപനങ്ങള് ഇവിടെ നിന്നാണ് വസ്ത്രങ്ങളെടുത്ത് വില്പന നടത്തുന്നത്. അതുകൊണ്ടുതന്നെ വലിയ സ്റ്റോക്കും സ്ഥാപനത്തിലുണ്ടായിരുന്നു.
ഇവയെല്ലാം കത്തിച്ചാരമായി. വർക്കല, കല്ലമ്പലം ,ആറ്റിങ്ങല് യൂനിറ്റുകളിലെ ഫയർ ആൻഡ് റെസ്ക്യൂ ടീമുകള് സ്ഥലത്തെത്തിയാണ് തീ നിയന്ത്രണവിധേയമാക്കിയത്. ഷോർട്ട് സർക്യൂട്ടാകാം തീപിടിത്തമുണ്ടാക്കിയതെന്നാണ് ഫയർഫോഴ്സിന്റെ പ്രാഥമിക നിഗമനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.