കോർക്ക് നഗരത്തിൽ വീടിന് തീ പിടിച്ച് രണ്ടു പേർക്ക് ദാരുണാന്ത്യം

അയർലണ്ട്: കോർക്ക് നഗരത്തിൽ വീടിന് തീപിടിച്ച് രണ്ട് പേർ മരിച്ചു. വ്യാഴാഴ്ച രാത്രി 11.15ഓടെ മെയ്ഫീൽഡിലെ ലോവർ ഗ്ലാൻമയർ റോഡിലാണ് തീപിടിത്തം ഉണ്ടായത്.

80 വയസ് പ്രായമുള്ള പുരുഷൻ്റെയും 70 വയസ് പ്രായമുള്ള സ്ത്രീയുടെയും മൃതദേഹങ്ങൾ വീട്ടിൽ നിന്നും കണ്ടെടുത്തു. മൃതദേഹങ്ങൾ പോസ്റ്റ്‌മോർട്ടത്തിനായി കോർക്ക് യൂണിവേഴ്‌സിറ്റി ആശുപത്രിയിലേക്ക് മാറ്റി. 

ഈ ഭാഗത്ത് ഗതാഗതം നിയന്ത്രിക്കുന്നതിനാൽ വെള്ളിയാഴ്ച ഇതര റൂട്ടുകൾ ഉപയോഗിക്കണമെന്ന് യാത്രക്കാർക്ക് നിർദ്ദേശം നൽകിയിട്ടുണ്ട്.

സംഭവവുമായി ബന്ധപ്പെട്ട് എന്തെങ്കിലും വിവരം ലഭിക്കുന്നവർ മെയ്ഫീൽഡ് ഗാർഡ സ്റ്റേഷനിലോ 021- 4558510 എന്ന നമ്പറിലോ ഗാർഡ കോൺഫിഡൻഷ്യൽ ലൈൻ 1800-666 111-ലോ മറ്റേതെങ്കിലും ഗാർഡ സ്റ്റേഷനിലോ ബന്ധപ്പെടാൻ ഗാർഡായി അറിയിച്ചു.