ജർമ്മനി കേന്ദ്രീകരിച്ച് റിക്രൂട്ട്മെന്‍റ്; ഖലിസ്ഥാൻ തീവ്രവാദി പിടിയിൽ,,

ന്യൂഡൽഹി: ഖലിസ്ഥാൻ തീവ്രവാദി ഡൽഹിയിൽ പിടിയിൽ. ഖലിസ്ഥാൻ സിന്ദാബാദ് ഫോഴ്സ് (കെഇസഡ്എഫ്) പ്രവർത്തകനായ പ്രഭ്പ്രീത് സിങാണ് പിടിയിലായത്.

പഞ്ചാബ് പൊലീസിന്‍റെ സ്പഷ്യൽ ഓപ്പറേഷൻ സെൽ ഇയാളെ ഡൽഹി അന്താരാഷ്ട്ര വിമാനത്താവളത്തിൽ നിന്നാണ് പിടികൂടിയത്.ജർമ്മനി കേന്ദ്രീകരിച്ചു പ്രവർത്തിക്കുകയായിരുന്നു ഇയാളെന്നു പൊലീസ് വ്യക്തമാക്കി.

ജർമനിയിൽ ഇരുന്നു ഖലിസ്ഥാൻ തീവ്രവാദത്തിലേക്ക് ആളുകളെ റിക്രൂട്ട് ചെയ്യുക, ഫണ്ടിങ് നടത്തുക തുടങ്ങിയവയായിരുന്നു ഇയാളുടെ പ്രവർത്തനമെന്നു പൊലീസ് കൂട്ടിച്ചേർത്തു