ഡബ്ലിനിൽ യുവാവിനെ കാണാതായ സംഭവത്തിൽ പൊതുജനങ്ങളുടെ സഹായമഭ്യർത്ഥിച്ച് ഗാർഡ ഉദ്യോഗസ്ഥർ

ഡബ്ലിൻ;അയർലണ്ട് ടാലറ്റിൽ നിന്ന് കാണാതായ യുവാവിനായി അന്വേഷണം ഊർജിതമാക്കി ഗാർഡ ഉദ്യോഗസ്ഥർ.

2024 മാർച്ച് 12 ചൊവ്വ മുതൽ ഡബ്ലിൻ 24 ലെ ഡീർപാർക്കിലെ വീട്ടിൽ നിന്നാണ് 42 കാരനായ നേപ്പാളി ഒറിജിന്‍ റാം റിജാലിനെ കാണാതായത്. ഏതാനും നാളുകളായി കുടുംബാംഗങ്ങളോടും അകൽച്ചയിലായിരുന്ന റാം വിഷാദ രോഗത്തിന് ചികിത്സയിലായിരുന്നെന്നും കുടുംബം മാധ്യമപ്രവർത്തകരോട് പറഞ്ഞു.

കാണാതായ യുവാവിന് 5 അടി 7 ഇഞ്ച് ഉയരവും മെലിഞ്ഞ ശരീരവുമാണെന്ന് ഗാർഡ ഉദ്യോഗസ്ഥർ പറഞ്ഞു,യുവാവിനെ കണ്ടെത്തുന്നതിനായി പൊതു ജനങളുടെ സഹായവും ഉദ്യോഗസ്ഥർ അഭ്യർത്ഥിച്ചു.

യുവാവിനെ കുറിച്ച് വിവരം ലഭിക്കുന്നവർ 01 666 6000 എന്ന നമ്പറിലോ ഗാർഡ കോൺഫിഡൻഷ്യൽ ലൈൻ 1800 666 111 എന്ന നമ്പറിലോ ഏതെങ്കിലും ഗാർഡ സ്റ്റേഷനിലോ ബന്ധപ്പെടാൻ ഉദ്യോഗസ്ഥർ ആവശ്യപ്പെടുന്നു.