മലയാളി വിദ്യാർത്ഥിനി പോണ്ടിച്ചേരിയിൽ മുങ്ങിമരിച്ച നിലയിൽ

തൃശൂർ: ബിഎസ്‌സി നഴ്സിങ് വിദ്യാർത്ഥിനി പോണ്ടിച്ചേരിയിൽ കടലിൽ മുങ്ങി മരിച്ചു.

ആറാട്ടുപുഴ വലിയഴീക്കൽ സ്വദേശിനി തറയിൽകടവ് പുത്തൻ മണ്ണേൽ ജയദാസ്- ലത ദമ്പതികളുടെ മകൾ ജയലക്ഷ്മിയാണ് (21) മരിച്ചത്. കഴിഞ്ഞ ദിവസമായിരുന്നു അപകടം.

സുഹൃത്തുക്കള്‍ക്കാപ്പം കടലിൽ ഇറങ്ങിയപ്പോഴായിരുന്നു അപകടം. പോണ്ടിച്ചേരിയിലെ ജിപ്മെർ കോളജിൽ ഒന്നാം വർഷ വിദ്യാർത്ഥിനിയായിരുന്നു. സഹോദരൻ ജയേഷ് (മിലിട്ടറി). സംസ്കാരം പിന്നീട്.