പ്രകടനപത്രിക: നാളെ കോൺഗ്രസ് നേതൃയോഗം, നീതി (ന്യായ്) ഉറപ്പാക്കുമെന്ന പ്രഖ്യാപനമാണ് പത്രികയുടെ മുഖ്യകാതല്‍.

ന്യൂഡല്‍ഹി: പൊതുതെരഞ്ഞെടുപ്പിനുള്ള പ്രകടന പത്രികയ്ക്ക് അന്തിമരൂപം നല്‍കുന്നതിനു കോണ്‍ഗ്രസ് വർക്കിംഗ് കമ്മിറ്റി നാളെ ഡല്‍ഹിയില്‍ യോഗംചേരും.

വിവിധ സംസ്ഥാനങ്ങളിലായി അവശേഷിക്കുന്ന മണ്ഡലങ്ങളിലെ സ്ഥാനാർഥികളെ തീരുമാനിക്കുന്നതിനായി കോണ്‍ഗ്രസ് അധ്യക്ഷൻ മല്ലികാർജുൻ ഖാർഗെയുടെ അധ്യക്ഷതയില്‍ കേന്ദ്ര തെരഞ്ഞെടുപ്പ് കമ്മിറ്റി (സിഇസി)യോഗം ചൊവ്വ, ബുധൻ ദിവസങ്ങളില്‍ ചേരും.

അഞ്ച് മേഖലകളില്‍ നീതി (ന്യായ്) ഉറപ്പാക്കുമെന്ന പ്രഖ്യാപനമാണ് പ്രകടനപത്രികയുടെ കാതല്‍. തുല്യതയ്ക്കുള്ള നീതി, കർഷകർക്കുള്ള നീതി, സ്ത്രീകള്‍ക്കുള്ള നീതി, തൊഴിലാളികള്‍ക്കുള്ള നീതി, യുവജനങ്ങള്‍ക്കുള്ള നീതി എന്നിവയാണ് കോണ്‍ഗ്രസ് അധികാരത്തിലെത്തിയാല്‍ ഉറപ്പ് നല്‍കുന്നത്.

ഒരു വ്യക്തിയുടെയല്ല മറിച്ച്‌ കോണ്‍ഗ്രസ് നല്‍കുന്ന ഉറപ്പാണിതെന്നു എഐസിസി ജനറല്‍ സെക്രട്ടറി ജയറാം രമേശ് വിശദീകരിച്ചു.