ന്യൂഡല്ഹി: ഡല്ഹിയില് 40 അടി താഴ്ചയുള്ള കുഴല്ക്കിണറില് വീണയാള് മരിച്ചു. മണിക്കൂറുകള് നീണ്ട പരിശ്രമത്തിന് ഒടുവില് കുഴല്ക്കിണറില് വീണയാളെ പുറത്തെടുത്തെങ്കിലും ജീവന് രക്ഷിക്കാന് സാധിച്ചില്ല എന്നാണ് റിപ്പോര്ട്ടുകള്.
ഉച്ചയോടെയാണ് ഇതുവരെ തിരിച്ചറിയാന് കഴിയാത്തയാളെ പുറത്തെടുത്തത്. ഉടന് തന്നെ ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാന് സാധിച്ചില്ല എന്നാണ് റിപ്പോര്ട്ടുകള്.
അടച്ച മുറിക്കുള്ളിലുള്ള കുഴല്ക്കിണറിന്റെ സമീപം എത്തിയത് സുരക്ഷാ വേലിയും പൂട്ടും തകര്ത്താകാമെന്നാണ് ഡല്ഹി മന്ത്രി അതിഷി പ്രതികരിച്ചത്. 'കുഴല്ക്കിണര് ഒരു അടച്ച മുറിക്കുള്ളിലായിരുന്നു, അത് ശരിയായി പൂട്ടിയിരുന്നു. അതിനാല് അകത്ത് കയറിയവര് പൂട്ട് തകര്ത്താണ് അകത്ത് കടന്നത്. അകത്ത് വീണത് ഒരു കുട്ടിയല്ല, 18 വയസ്സുള്ള ആളോ അതിലും പ്രായമുള്ള ആളോ ആകാം'- അതിഷിയുടെ വാക്കുകള്.
ഡല്ഹി ഫയര്ഫോഴ്സിന്റേയും ദേശീയ ദുരന്ത പ്രതികരണ സേനയുടേയും നേതൃത്വത്തിലായിരുന്നു രക്ഷാപ്രവര്ത്തനം. കുഴല്ക്കിണറിന് സമാന്തരമായി കുഴിയെടുത്താണ് വീണയാളെ പുറത്തെടുത്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.