"യാത്രികരെ വംശീയമായി പരിഹസിച്ച് ടിക് ടോക് " ക്യാബിൻ ക്രൂ അം​ഗങ്ങളെ ബ്രിട്ടീഷ് എയർവേസ് പുറത്താക്കി

ചൈനീസ് യാത്രികരെ വംശീയമായി അധിക്ഷേപിച്ച രണ്ട് ക്യാബിൻ ക്രൂ അം​ഗങ്ങളെ പുറത്താക്കി ബ്രിട്ടീഷ് എയർവേസ്. വംശീയ അധിക്ഷേപത്തെ തുടർന്ന് ബ്രിട്ടീഷ് എയർവേയ്‌സിലെ രണ്ട് വിമാന ജീവനക്കാരെ പിരിച്ചുവിട്ടു.

ലണ്ടനും കരീബിയനും തമ്മിലുള്ള വിമാനത്തിൽ കുറച്ച് ഇംഗ്ലീഷ് സംസാരിക്കുന്ന ഒരു കുടുംബത്തെ പരിഹസിക്കുകയായിരുന്നെന്ന് സഹപ്രവർത്തകർ പറയുന്നു. വിമാനക്കമ്പനി ഒരുക്കിയ ആഡംബര റിസോർട്ടിൽ താമസിക്കവേ ചൈനീസ് യാത്രികരെ പരിഹസിച്ച് ടിക് ടോക് വീഡിയോ എടുത്ത് പോസ്റ്റ് ചെയ്യുകയായിരുന്നു. ഇം​ഗ്ലീഷ് സംസാരിക്കാത്ത ചൈനീസ് കുടുംബത്തെ വീ‍‍‍ഡിയോയിൽ പരിഹസിക്കുന്നുണ്ട്. 

വിമാനത്തിൽ യാത്ര ചെയ്യവേ ചൈനീസ് കുടുംബം മുറി ഇം​ഗ്ലീഷിൽ വൈൻ ഓർഡർ ചെയ്യുന്നതാണ് ആക്ഷേപിച്ചുകൊണ്ട് വിഡിയോ എടുത്തത്. എനിക്ക് കുറച്ച് വൈൻ തരൂ എന്ന് ചൈനീസ് ആക്സന്റിൽ പറയുന്നതും വംശീയമായി അധിക്ഷേപിക്കുന്നതുമായി കണ്ണുകൊണ്ട് ആംഗ്യം കാണിക്കുന്നതും വിഡിയോയിൽ കാണാം. 

ഇതേ തുടർന്ന് ഹോളി വാൾട്ടനും ലോറൻ ബ്രെയുമാണ് കമ്പനിയിൽ നിന്ന് പുറത്താക്കപ്പെട്ടത്. വിഡിയോ പ്രചരിച്ചതോടെ സഹജീവനക്കാർ ഉൾപ്പെടെ നിരവധി പേരാണ് നടപടി വേണമെന്ന് ആവശ്യപ്പെട്ട് രം​ഗത്ത് എത്തിയിട്ടുള്ളത്.