വാച്ചര്‍മാര്‍ക്ക് മുളവടി പോര, വോട്ട് ചോദിച്ച്‌ മാത്രം വന്നിട്ട് കാര്യമില്ലലോ ? അജീഷിൻ്റെ വീട്ടിലെത്തിയ മന്ത്രിമാര്‍ക്കെതിരെ കുടുംബം,

പടമലയിലെ അജീഷിന്റെ വീട്ടിലെത്തിയ വനം മന്ത്രിയ്ക്കെതിരെ രോഷപ്രകടനം. വാച്ചർമാർക്ക് തോക്ക് കൊടുക്കണമെന്ന് അജീഷിന്റെ മകള്‍ ആവശ്യപ്പെട്ടു.

കാട്ടില്‍ പോയിട്ട് വോട്ട് ചോദിക്കൂ എന്ന് അജീഷിന്റെ മകനും പ്രതികരിച്ചു. മന്ത്രിമാരായ കെ രാജനും എകെ ശശീന്ദ്രനും പി രാജീവുമടങ്ങുന്ന സംഘത്തിനെതിരെയാണ് നാട്ടുകാരും കുടുംബക്കാരും രംഗത്തുവന്നു.

വീട്ടില്‍ നിന്ന് പുറത്തിറങ്ങാൻ പറ്റുന്നില്ലെന്ന് നാട്ടുകാർ പറഞ്ഞു. വോട്ട് മാത്രം കണ്ടാല്‍ പോരാ. ജനങ്ങളുടെ ആശങ്കകള്‍ പരിഹരിക്കണം. ആനയെ ഇത്രയും ദിവസമായിട്ടും വെടിവെച്ചില്ല.

ഇതുവരെ സമാധാനിപ്പിക്കാൻ പോലും ആരും വന്നില്ലല്ലോ എന്നും കുടുംബം ചോദിച്ചു. മന്ത്രിമാർക്ക് മുന്നില്‍ അജീഷിന്റെ അച്ഛൻ വിതുമ്പി. ഇനി ഒരാള്‍ക്കും തന്റെ ഗതി വരരുത് എന്നും അദ്ദേഹം പറഞ്ഞു.