പണിമുടക്കിന് നേതൃത്വം നല്‍കി; സെക്രട്ടറിയേറ്റിലെ കോണ്‍ഗ്രസ് അനൂകൂല അസാേസിയേഷൻ നേതാവിനെ സസ്പെൻ്റ് ചെയ്തു,,

 തിരുവനന്തപുരം: പണിമുടക്കിന് നേതൃത്വം നല്‍കിയെന്നാരോപിച്ച്‌ സെക്രട്ടറിയേറ്റിലെ കോണ്‍ഗ്രസ് അനൂകൂല അസോസിയേഷൻ നേതാവിന് സസ്പെൻഷൻ.

സെക്രട്ടറിയേറ്റിലെ ഉന്നത വിദ്യാഭ്യാസ വകുപ്പിലെ ജീവനക്കാരനായ ജെയിംസ് മാത്യുവിനെയാണ് സസ്പെന്റ് ചെയ്തിരിക്കുന്നത്.

സർക്കാർ സെക്രട്ടറിയേറ്റ് എംപ്ലോയ്സ് അസോസിയേഷൻ്റെ പ്രവർത്തകൻ പ്രേമാനന്ദനെയും ഭാര്യയെയും ജെയിംസ് മാത്യു തടഞ്ഞിരുന്നു. പ്രേമാനന്ദന്റെ ഭാര്യ നല്‍കിയ പരാതിയിലാണ് ജെയിംസ് മാത്യുവിനെ സസ്പെൻ്റ് ചെയ്തത്.

അതേസമയം, പ്രേമാനന്ദന്‍ സമരക്കാരുടെ ഇടയിലേക്ക് ബോധപൂർവ്വം ബൈക്ക് ഓടിച്ച്‌ കയറ്റുകയായിരുന്നുവെന്ന് സെക്രട്ടറിയേറ്റ് അസോഡിയേഷൻ ആരോപിച്ചു. സസ്പെൻഷൻ പ്രതികാര നടപടിയാണെന്നും അസോസിയേഷൻ ആരോപിച്ചു