കാളിയാർ ജയ് റാണിയിൽ ഡി.സി.എൽ പി. റ്റി. തോമസ് സ്മാരക പ്രഭാഷണം 16 ന്,,

തൊടുപുഴ : പ്രവിശ്യാ ദീപിക ബാലസഖ്യത്തിൻ്റെ ആഭിമുഖ്യത്തിലുള്ള രണ്ടാമത് ഡി.സി.എൽ  പി. റ്റി. തോമസ് പൈനാൽ സ്മാരക പ്രഭാഷണം ഫെബ്രുവരി 16 ന് വെള്ളിയാഴ്ച രാവിലെ 11 മുതൽ കാളിയാർ ജയ്റാണി പബ്ലിക് സ്കൂളിൽ നടക്കും. കൊച്ചേട്ടൻ ഫാ റോയി കണ്ണൻചിറയാണ് പ്രഭാഷകൻ. വിഷയം :ലക്ഷ്യം ഉറച്ച തലമുറ രാഷ്ട്ര നിർമിതിയുടെ അടിത്തറ .

വണ്ണപ്പുറം ഗ്രാമ പഞ്ചായത്ത് പ്രസിഡൻറ് ബിജു എം.എം ഉദ്ഘാടനം ചെയ്യും. സ്കൂൾ അഡ്മിനിസ്ട്രേറ്റർ സിസ്റ്റർ അനിറ്റ് കൊച്ചുപുരയ്ക്കൽ അധ്യക്ഷത വഹിക്കും.

ബ്ലോക്ക് പഞ്ചായത്ത് അംഗം ഷൈനി സന്തോഷ് , പ്രിൻസിപ്പൽ സിസ്റ്റർ റ്റെസി മുണ്ടയ്ക്കൽ , പ്രവിശ്യാ കോ - ഓർഡിനേറ്റർ റോയ്. ജെ. കല്ലറങ്ങാട്ട് , റിസോഴ്സ് ടീം കോ - ഓർഡിനേറ്റർ തോമസ് കുണിഞ്ഞി , മേഖലാ ഓർഗനൈസർ ബിനോജ് ആൻ്റണി , പ്രസിഡൻ്റ് മിനി ജസ്റ്റിൻ ,  അക്കാഡമിക് കോ - ഓർഡിനേറ്ററും ശാഖാ ഡയറക്ടറുമായ നിബിൻ തോമസ് എന്നിവർ പ്രസംഗിക്കും.