ദാരുണം :ഇടുക്കിയിൽപ്രായപൂര്‍ത്തിയാകാത്ത പെണ്‍കുട്ടിയെ വിവാഹം ചെയ്ത് ഗർഭിണിയാക്കി: 27 കാരൻ അറസ്റ്റിൽ,,

 ഇടുക്കി: പ്രായപൂർത്തിയാകാത്ത പെണ്‍കുട്ടിയെ വിവാഹം ചെയ്ത യുവാവ് അറസ്റ്റില്‍. കടലാർ എസ്റ്റേറ്റ് ഈസ്റ്റ് ഡിവിഷൻ സ്വദേശി എല്‍.രതീഷിനെയാണ് (27) മൂന്നാർ പോലീസ് അറസ്റ്റ് ചെയ്തത്.

തമിഴ്‌നാട് സ്വദേശിനിയായ പെണ്‍കുട്ടിയെ മാതാപിതാക്കളുടെ അറിവോടുകൂടിയായിരുന്നു ഇയാള്‍ വിവാഹം ചെയ്തത്. വയറുവേദനയെ തുടർന്ന് മൂന്നാറിലെ സ്വകാര്യ ആശുപത്രിയില്‍ നടത്തിയ പരിശോധനയിലായിരുന്നു പെണ്‍കുട്ടി ഗർഭിണിയാണെന്ന് അറിഞ്ഞത്

തുടർന്ന് ആശുപത്രി അധികൃതർ പോലീസില്‍ അറിയിക്കുകയായിരുന്നു. കുട്ടിയെ ചൈല്‍ഡ് വെല്‍ഫെയർ കമ്മിറ്റി മുൻപാകെ ഹാജരാക്കിയിട്ടുണ്ട്.