വാരാണസി: ഗ്യാന്വാപി സമുച്ചയത്തില്(Gyanvapi complex) അവശേഷിക്കുന്ന നിലവറകളുടെ സര്വേ(survey) നടത്തണമെന്ന് ഹര്ജി.
.jpg)
നേരത്തെ മറ്റൊരു ഹര്ജിയിലെ വാരണാസി കോടതിയുടെ വിധിയെത്തുടര്ന്ന് ഗ്യാന്വാപി സമുച്ചയത്തില് ഹിന്ദു വിഭാഗം പൂജ നടത്തിവരികയാണ്. വാരാണസിയിലെ ഒരു ജില്ലാ കോടതിക്ക് മുമ്പാകെ സമര്പ്പിച്ച പുതിയ അപേക്ഷയില് നിരവധി പ്രധാന കാര്യങ്ങള് ഹര്ജിക്കാരന് പറയുന്നുണ്ട്.
പ്രവേശന കവാടങ്ങള് തടഞ്ഞിരിക്കുന്ന ശേഷിക്കുന്ന നിലവറകളുടെ സര്വേ എഎസ്ഐ ഏറ്റെടുക്കണം. ഗ്യാന്വാപി പരിസരങ്ങളില് അടുത്തിടെ നടത്തിയ സര്വേയില് അന്വേഷണം നടത്താത്ത നിലവറകളുടെ സര്വേ എഎസ്ഐ നടത്തണം. നടത്തുന്ന ഏതൊരു സര്വേയും ഘടനയ്ക്ക് കേടുപാടുകള് വരുത്തുന്നത് ഒഴിവാക്കണമെന്നും ഹര്ജിയില് ഊന്നിപ്പറയുന്നു.
ആര്ക്കിയോളജിക്കല് സര്വേ ഓഫ് ഇന്ത്യയ്ക്ക് (ASI) നിര്ദ്ദേശം നല്കണമെന്ന് ആവശ്യപ്പെട്ട് ഹിന്ദു വിഭാഗത്തില്പ്പെട്ട(Hindu side) ഹര്ജിക്കാരന് വാരാണസിയിലെ വിചാരണ കോടതിയെ(trial court in Varanasi) സമീപിച്ചു. ഈ നിലവറകള് സര്വേ ചെയ്യുന്നത് സമുച്ചയത്തിന്റെ മതപരമായ സ്വഭാവം കണ്ടെത്തുന്നതിന് നിര്ണായകമാണെന്ന് ഹര്ജിക്കാരന് വാദിക്കുന്നു.
അടഞ്ഞ പ്രവേശന കവാടങ്ങള് കാരണം ചില നിലവറകള് സര്വേ ചെയ്യപ്പെടാതെ കിടക്കുന്നുവെന്നും, ഈ തടസ്സങ്ങളില് ഇഷ്ടികകളും കല്ലുകളും അടങ്ങിയിട്ടുണ്ടെങ്കിലും ഘടനയെ ദോഷകരമായി ബാധിക്കാതെ ഈ തടസ്സങ്ങള് സുരക്ഷിതമായി നീക്കം ചെയ്യാന് ആവശ്യമായ വൈദഗ്ധ്യം ASI വിദഗ്ധര്ക്ക് ഉണ്ടെന്ന് ഹര്ജിക്കാരന് ഉറപ്പിച്ചു പറയുന്നു. മാത്രമല്ല, ഘടനയുടെ സംരക്ഷണം ഉറപ്പാക്കാന് പ്രവേശന കവാടങ്ങളിലെ തടസ്സം നീക്കം ചെയ്യുന്നതുമായി ബന്ധപ്പെട്ട് എഎസ്ഐയില് നിന്ന് റിപ്പോര്ട്ട് നേടണമെന്നും ഹര്ജിയില് പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.