കാര്‍ഡ്‌ബോര്‍ഡ് ബോക്‌സില്‍ മീന്‍ ; പലയിടത്തായി എലി വിസർജ്യം; കൈ കഴുകുന്ന സിങ്കില്‍ മാംസം ഞെട്ടി ഭക്ഷ്യസുരക്ഷാ വകുപ്പ്

ജനുവരി മാസത്തില്‍ 4  സ്ഥാപനങ്ങള്‍ക്ക്  "അടച്ചുപൂട്ടല്‍, വില്‍പ്പന നിര്‍ത്തല്‍" നോട്ടീസുകള്‍ നല്‍കി അയർലണ്ടിൽ ഭക്ഷ്യസുരക്ഷാ വകുപ്പ്.കഴിഞ്ഞ വര്‍ഷം രാജ്യത്ത് ആകെ 90-ലധികം സ്ഥാപനങ്ങള്‍ക്ക് നേരെയാണ് അധികൃതര്‍ നടപടികള്‍ എടുത്തത്.

സുരക്ഷിതമല്ലാത്ത കാര്‍ഡ്‌ബോര്‍ഡ് ബോക്‌സില്‍ മീന്‍ സൂക്ഷിക്കുക,  പലയിടത്തായി എലി വിസർജ്യം, പ്രവര്‍ത്തനരഹിതമായ ഫ്രീസറില്‍ ഭക്ഷണം സൂക്ഷിക്കുക, കൈ കഴുകുന്ന സിങ്കില്‍ മാംസം കഴുകുക, എന്നിങ്ങനെ നിരവധി പരിപാടികളാണ് ഭക്ഷ്യ സുരക്ഷാവകുപ്പിനെ ഇത്തവണ ഞെട്ടിച്ചത്

പാചകം ചെയ്യാത്ത മാംസം തൊട്ടതിന് ശേഷം കൈകള്‍ ശുദ്ധമാക്കാതെ മറ്റ് പാചകപ്രവര്‍ത്തനങ്ങളില്‍ ഏര്‍പ്പെടുക, പാചക ഉപകരണങ്ങളുടെ സൈഡില്‍ ഗ്രീസ് കണ്ടെത്തുക മുതലായ നിയമലംഘനങ്ങളും കൂടെ കണ്ടത്തി. തുടർന്ന് ഈ സ്ഥാപനങ്ങൾക്ക്  പൂട്ട് വീഴുകയായിരുന്നു. അയര്‍ലണ്ടില്‍ ഭക്ഷ്യസുരക്ഷാ നിയമങ്ങള്‍ പാലിക്കാത്ത സ്ഥാപനങ്ങളുടെ വിവരങ്ങള്‍ ചുവടെ:

• F Herterich’s Pork Butchers, 1 Lombard Street, Galway
• Nearby O’Briens Gala (Closed area: External food store room), Cloughleigh Road, Ennis, Clare
• Golden Palace (restaurant/café), First Floor, 89 Swords Road, Whitehall, Dublin 9
• Mercury (retailer), Park Road, Waterford