ന്യൂഡല്ഹി: കേന്ദ്ര അവഗണനയ്ക്കെതിരേ കേരള മുഖ്യ മന്ത്രിയും മന്ത്രിമാരും ഡൽഹിയിൽ വ്യാഴാഴ്ച സമരമുഖം തുറക്കും.
സംസ്ഥാനമന്ത്രിസഭാംഗങ്ങളും എം.എല്.എ.മാരും എം.പി.മാരും അണിനിരക്കുന്ന പ്രക്ഷോഭം ജന്തർമന്തറിലാണ്.
.jpeg)
കോണ്ഗ്രസ് ഒഴികെ, രാജ്യത്തെ പ്രധാന ദേശീയപാര്ട്ടികളുടെ മുഖ്യമന്ത്രിമാരടക്കമുള്ള നേതാക്കള് സമരത്തിന് പിന്തുണയര്പ്പിക്കാനെത്തും.
കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയെ ക്ഷണിച്ചെങ്കിലും അദ്ദേഹം പങ്കെടുക്കില്ലെന്ന് മുഖ്യമന്ത്രി പിണറായി വിജയന് സ്ഥിരീകരിച്ചു.
.jpg)
കേരളത്തോടുള്ള കേന്ദ്രമനോഭാവം മനസ്സിലാക്കുന്നെന്ന് കര്ണാടക പറഞ്ഞത്, കേരളത്തിലെ കോണ്ഗ്രസിനുള്ള മറുപടിയാണ്. കേരളത്തിന്റെ അതിജീവനത്തിന് അനിവാര്യമായതിനാലാണ് ചരിത്രത്തില് അധികം കീഴ്വഴക്കമില്ലാത്ത ഈ പ്രക്ഷോഭമാര്ഗം തിരഞ്ഞെടുത്തത്.
ഒരാളെയും തോല്പ്പിക്കുക എന്ന ലക്ഷ്യത്തോടെയല്ല, സംസ്ഥാനങ്ങളുടെ ഭരണഘടനാപരമായ അവകാശം സംരക്ഷിക്കാനുള്ള പ്രക്ഷോഭമാണിത്. തോറ്റ് പിന്മാറുന്നതിനുപകരം അര്ഹതപ്പെട്ടത് നേടിയെടുക്കുകയാണ് ലക്ഷ്യം.
സമരത്തിന് പിന്തുണയുമായി രാജ്യമാകെ കൂടെയുണ്ടാകുമെന്ന് പ്രതീക്ഷിക്കുന്നു. ഇതിനെ കക്ഷിരാഷ്ട്രീയനിറം നല്കി കാണാന് ശ്രമിക്കരുത്. ചില കേന്ദ്ര നടപടികളിലൂടെ സഹകരണ ഫെഡറലിസത്തിന്റെ അന്തസ്സത്ത ചോര്ന്നുപോയി.
സംസ്ഥാന നികുതിയുടെ നിശ്ചിതവിഹിതം നല്കുന്ന സ്ഥാപനങ്ങളില് നിന്നെടുക്കുന്ന വായ്പകള് സംസ്ഥാനസര്ക്കാരിന്റെ വായ്പയായി കണക്കാക്കുമെന്നും തത്തുല്യമായ തുക സംസ്ഥാനത്തിന്റെ കമ്പോള വായ്പാപരിധിയില്നിന്ന് വെട്ടിക്കുറയ്ക്കുമെന്നുമുള്ള നിബന്ധന ഭരണഘടനാതത്ത്വങ്ങളുടെ നഗ്നമായ ലംഘനമാണ്.
കിഫ്ബി, സാമൂഹ്യസുരക്ഷാ പെന്ഷന്, കമ്പനിയുടെ വായ്പ എന്നിവയുടെയെല്ലാം പേരില് വായ്പപരിധി വെട്ടിക്കുറച്ചു. നടപ്പുവര്ഷം 7000 കോടിയുടെ വെട്ടിക്കുറയ്ക്കലുണ്ടായി.
വെട്ടിച്ചുരുക്കലുകള് മുന്കാല പ്രാബല്യത്തോടെ നടപ്പാക്കുന്നു. സംസ്ഥാന കടമെടുപ്പ് പരിധി നിശ്ചയിക്കാനുള്ള അധികാരം കേന്ദ്രത്തിനില്ല -മുഖ്യമന്ത്രി പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.