കടലിൽ തൊഴിലാളികൾ തമ്മിൽ ഏറ്റുമുട്ടൽ ഒരാൾ കൊല്ലപ്പെട്ടു.

ചെന്നൈ :തമിഴ്നാട്ടിൽ നടുക്കടലിൽ മത്സ്യ തൊഴിലാളികൾ തമ്മിലുണ്ടായ ഏറ്റുമുട്ടലിൽ ഒരാൾ കൊല്ലപ്പെടുകയും ഒരാളെ കാണാതാവുകയും ചെയ്തതായി റിപ്പോർട്ട്.

നാഗപട്ടണം അക്കരപ്പേട്ട് ഗ്രാമത്തിലെ ശിവനേശ ശെൽവമാണ് മരിച്ചത്. കാലാദിനാഥനെയാണ് കടലിൽ കാണാതായത്. '

അതേസമയം സംഘർഷത്തിൽ ഗുരുതരമായി പരുക്കേറ്റ ആത്മനാഥനെ ആശുപത്രിയിൽ പ്രവേശിപ്പിച്ചിരിക്കുകയാണ്. വല മുറിച്ചതുമായി ബന്ധപ്പെട്ട തർക്കമാണ് സംഘർഷത്തിലേയ്ക്ക് നയിച്ചത് എന്നാണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം. കേസിൽ ഏഴു പേർ അറസ്റ്റിലായിട്ടുണ്ടെന്ന് തമിഴ്നാട് പൊലീസ് വ്യക്തമാക്കി.

യന്ത്രവത്കൃത ബോട്ടിൻ്റെ ചുക്കാൻ പിടിച്ചിരുന്ന മത്സ്യത്തൊഴിലാളി തന്റെ പാത്രം ചെറിയ ബോട്ടിൽ ഇടിക്കുകയായിരുന്നു. അങ്ങനെ ചെറിയ ബോട്ട് മറിയുകയും അതിൽ ഉണ്ടായിരുന്ന മൂന്ന് മത്സ്യത്തൊഴിലാളികളും കടലിൽ വീഴുകയും ചെയ്തു.

തുടർന്ന് യന്ത്രവത്കൃത ബോട്ടിലെ മത്സ്യത്തൊഴിലാളികൾ മത്സ്യബന്ധന ഉപകരണങ്ങൾ ഉപയോഗിച്ച് മൂവരെയും ആക്രമിക്കുകയായിരുന്നു എന്നാണ് പുറത്തു വരുന്ന വിവരം.

കാണാതായ ഒരാൾക്കായി തെരച്ചിൽ നടത്തിയെങ്കിലും കണ്ടെത്താനായിട്ടില്ല.