ന്യൂഡൽഹി: കേരളത്തെ കേന്ദ്രം സാമ്പത്തികമായി അവഗണിക്കുന്നെന്നാരോപിച്ച് മുഖ്യമന്ത്രി പിണറായി വിജയന്റെ നേതൃത്വത്തിൽ മന്ത്രിമാരും ഇടത് എം.പി.മാരും എം.എൽ.എ.മാരും നടത്തുന്ന ധർണ വ്യാഴാഴ്ച ജന്തർമന്തറിൽ നടക്കും.
.jpeg)
രാവിലെ 11 മുതൽ ഉച്ചയ്ക്ക് ഒരു മണിവരെയാണ് സമരം. മറ്റു പാർട്ടികളുടെ ദേശീയനേതാക്കളും എൻ.ഡി.എ.ഇതര മുഖ്യമന്ത്രിമാരും ഐക്യദാർഢ്യമർപ്പിച്ച് സമരത്തിൽ പങ്കെടുക്കുമെന്ന് എൽ.ഡി.എഫ്. കൺവീനർ ഇ.പി. ജയരാജൻ, എം.പി.മാരായ എളമരം കരിം, ബിനോയ് വിശ്വം, ജോസ് കെ. മാണി എന്നിവർ പത്രസമ്മേളനത്തിൽ അറിയിച്ചു.
.jpg)
കോൺഗ്രസ് അധ്യക്ഷൻ മല്ലികാർജുൻ ഖാർഗെ അടക്കമുള്ള പ്രമുഖ നേതാക്കൾക്കെല്ലാം മുഖ്യമന്ത്രി നേരിട്ട് ക്ഷണക്കത്തയച്ചിട്ടുണ്ടെന്നും നേതാക്കൾ വ്യക്തമാക്കി.ഫെഡറൽ തത്ത്വങ്ങൾ പൂർണമായും ലംഘിച്ച് കേരളത്തിനെതിരേ കേന്ദ്രം സാമ്പത്തിക ഉപരോധം ഏർപ്പെടുത്തിയിരിക്കുകയാണെന്ന് നേതാക്കൾ കുറ്റപ്പെടുത്തി.
കേരളത്തിന്റെ പൊതുവായ പ്രശ്നത്തിന് പരിഹാരം തേടിയുള്ള സമരത്തിന് സംസ്ഥാനത്തെ പ്രതിപക്ഷത്തെ ക്ഷണിച്ചെങ്കിലും സഹകരിക്കാൻ അവർ തയ്യാറായില്ല.
എന്നാൽ, കേരളം സമരത്തിന് തീരുമാനിച്ചതിനു പിന്നാലെ കർണാടകയിലെ കോൺഗ്രസ് സർക്കാരും സമരത്തിന് തീരുമാനിച്ചത് കേരളത്തിന്റെ നിലപാട് പ്രസക്തമാണെന്ന് വ്യക്തമാക്കുന്നതായി എൽ.ഡി.എഫ്. നേതാക്കൾ പറഞ്ഞു.
കേരളത്തിന്റെ സമരത്തിന് ഐക്യദാർഢ്യമറിയിച്ച് തമിഴ്നാട് മുഖ്യമന്ത്രി സ്റ്റാലിൻ കേരള മുഖ്യമന്ത്രിക്ക് കത്തയച്ചതായി നേതാക്കൾ വെളിപ്പെടുത്തി. ഡി.എം.കെ.യുടെ പ്രതിനിധികൾ സമരത്തിൽ അണിചേരും.
കേരളത്തിൽ ബൂത്തടിസ്ഥാനത്തിൽ എൽ.ഡി.എഫ്. പ്രവർത്തകർ വ്യാഴാഴ്ച വൈകീട്ട് നാലുമുതൽ ആറുവരെ ഐക്യദാർഢ്യസമരം സംഘടിപ്പിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.