ആരാധകർ ബോളിവുഡില്‍ പ്രതീക്ഷയോടെ കാത്തിരിക്കുന്ന സിനിമയാണ് രാമായണം. നിതേഷ് തിവാരിയുടെ സംവിധാനത്തിലൊരുങ്ങുന്ന ചിത്രത്തിന്റെ ഓരോ അപ്ഡേഷനുകളും പ്രേക്ഷകരുടെയിടയില്‍ വലിയ സ്വീകാര്യതയാണ് നേടുന്നത്.
രാമായണ കഥയെ ആസ്പദമാക്കി ഒരുങ്ങുന്ന ചിത്രത്തില്‍ ബോളിവുഡിലെ പ്രിയ താരങ്ങളാണ് പ്രധാന കഥാപാത്രങ്ങളായെത്തുന്നത്. രാമനായി രണ്‍ബീർ കപൂറും, സീതയായി സായ്പല്ലവിയും, രാവണനായി യാഷും എത്തുമ്പോള്‍ മറ്റ് കഥാപാത്രങ്ങളെ അവതരിപ്പിക്കുന്നത് ആരൊക്കെയെന്ന ആകാംക്ഷയും ആരാധകരുടെ മനസിലുണ്ട്. ഇപ്പോഴിതാ ഹനുമാനായി എത്തുന്ന താരം ആരെന്ന പങ്കുവക്കുകയാണ് ചിത്രത്തിന്റെ അണിയറപ്രവർത്തകർ.
സണ്ണി ഡിയോളാണ് ഹനുമാനായി എത്തുന്നത്. ഗദർ-2 എന്ന ചിത്രത്തിലൂടെ ബോളിവുഡില്‍ ശക്തമായ തിരിച്ചുവരവ് നടത്തിയ താരമാണ് സണ്ണി ഡിയോള്‍. മൂന്ന് ഭാഗങ്ങളിലായി ഒരുങ്ങുന്ന സിനിമയുടെ ചിത്രീകരണം ആരംഭിച്ചിട്ടുണ്ട്. രാമനെയും സീതയെയും കേന്ദ്രീകരിച്ചുള്ളതായിരിക്കും ചിത്രത്തിന്റെ ആദ്യ ഭാഗം. ശ്രീലങ്കയിലാണ് ചിത്രത്തിന്റെ രണ്ടാം ഭാഗമായ രാവണന്റെ വരവ് ചിത്രീകരിക്കുന്നത്. രണ്ടാം ഭാഗത്തില്‍ രാവണനാണ് പ്രാധാന്യം നല്‍കുന്നത്.
വിഎഫ്‌എക്‌സില്‍ ഓസ്‌കർ നേടിയ ഡിഎൻഇജി എന്ന കമ്പിനിയാണ് രാമായണത്തിന്റെ വിഷ്വല്‍ എഫക്‌ട് ഒരുക്കുന്നത്. സീതയുടെ വേഷത്തില്‍ ആലിയ ഭട്ടാണ് ചിത്രത്തിലെത്തുക എന്നാണ് അണിയറപ്രവർത്തകർ അറിയിച്ചിരുന്നത്. എന്നാല്‍ ചില കാരണങ്ങളാല്‍ ആലിയ പ്രോജക്ടില്‍ നിന്ന് പിന്മാറുകയായിരുന്നു.
.jpg)
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.