ഏത് പ്രായക്കാര്‍ ആയാലും പതിവായി വ്യായാമം ചെയ്യേണ്ടത് നിര്‍ബന്ധമാണ്. എന്തെങ്കിലും കായികാധ്വാനങ്ങള്‍ ചെയ്താലും മതി.
.jpeg)
വ്യായാമമില്ലാതെ ഏറെ നാള്‍ തുടര്‍ന്നാല്‍ എന്തെല്ലാം നെഗറ്റീവ് ആയ മാറ്റങ്ങളാണ് അത് ശരീരത്തിലുണ്ടാക്കുക? അറിയാം…
ഒന്ന്…
വ്യായാമമില്ലാതെ ഏറെ നാള്‍ തുടരുന്നത് ഹൃദയത്തിന് മേല്‍ വെല്ലുവിളി ഉയര്‍ത്തും. കൊറോണറി ഹാര്‍ട്ട് ഡിസീസ് അടക്കമുള്ള ഹൃദ്രോഗങ്ങള്‍ക്കുള്ള സാധ്യതയേറുന്നു. ഹൃദയാഘാതം പോലെയുള്ള കടുത്ത അവസ്ഥയിലേക്ക് വരെ അത് വീണ്ടും സാധ്യത ഉയര്‍ത്തുന്നു.
രണ്ട്
അമിതവണ്ണത്തിനും വ്യായാമമില്ലായ്മ കാരണമാകുന്നു. ഇങ്ങനെ ശരീരഭാരം അനിയന്ത്രിതമായി കൂടുന്നത് പലരും നേരിടുന്ന പ്രശ്നമാണ്. അമിതവണ്ണമാണെങ്കില്‍ അനുബന്ധമായി പല അസുഖങ്ങളിലേക്കും ആരോഗ്യപ്രശ്നങ്ങളിലേക്കുമെല്ലാം നമ്മെ നയിക്കാം.
മൂന്ന്…
വ്യായാമമില്ലാതെ തുടരുന്നവരില്‍ ടൈപ്പ് 2 പ്രമേഹം അഥവാ ഏറ്റുവും കൂടുതല്‍ പേരെ ബാധിക്കുന്ന പ്രമേഹവും പിടിപെടാൻ സാധ്യത ഏറെയാണ്. കാരണം കായികാധ്വാനമോ വ്യായമമോ ഇല്ലാതെ തുടരുമ്ബോള്‍ ഇൻസുലിൻ ഹോര്‍മോണ്‍ വേണ്ടവിധം ഉപയോഗിക്കാൻ ശരീരത്തിന് കഴിയാതിരിക്കുന്നു. ഇതിനാല്‍ രക്തത്തിലെ ഷുഗര്‍ നില ഉയരാം.
നാല്…
പ്രമേഹം പോലെ തന്നെ വ്യായാമമില്ലായ്മ കൊളസ്ട്രോളിലേക്കും നയിക്കാം. കായികാധ്വാനമില്ലാതിരിക്കുമ്പോള്‍ ശരീരത്തില്‍ ചീത്ത കൊഴുപ്പ് അടിഞ്ഞുകൂടുകയും അതിന്‍റെ ഭാഗമായി കൊളസ്ട്രോള്‍ പിടിപെടുകയുമാണ് ചെയ്യുന്നത്. കൊളസ്ട്രോള്‍ ആണെങ്കില്‍ അനുബന്ധമായി മറ്റ് പല അസുഖങ്ങളും ആരോഗ്യപ്രശ്നങ്ങളുമെല്ലാം ഉണ്ടാക്കുന്നു.
അഞ്ച്…
കായികാധ്വാനമോ വ്യായാമമോ ഇല്ലാതെ തുടരുന്നത് മാനസികാരോഗ്യത്തെയും നെഗറ്റീവായി ബാധിക്കും. ആത്മവിശ്വാസക്കുറവ്, കുറഞ്ഞ ഉത്പാദനക്ഷമത, ഉള്‍വലിയല്‍ എന്നിങ്ങനെ പല പ്രശ്നങ്ങളും വ്യായാമമില്ലായ്മ മൂലം ഉണ്ടാകാം. വിഷാദം (ഡിപ്രഷൻ) പോലുള്ള പ്രശ്നങ്ങളും പെട്ടെന്ന് അലട്ടാം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.