വൈക്കം തലയാഴത്ത് പഴയ കെട്ടിടം പൊളിച്ചു നീക്കുന്നതിനിടയിൽ കോൺക്രീറ്റ് ബീം തകർന്നു വീണ് നാലുപേർക്ക് പരുക്ക്, രണ്ടുപേരുടെ നില ഗുരുതരം

തലയാഴം;കോട്ടയം വൈക്കത്ത് പഴയ കെട്ടിടം പൊളിച്ചു നീക്കുന്നതിനിടയിൽ കോൺക്രീറ്റ് ബീം തകർന്നു വീണ് തൊഴിലാളികൾക്ക് പരുക്ക്.

ഇന്ന് ഉച്ചയോടെയാണ് തലയാഴം സ്വദേശി ഇടമന അനിൽകുമാറിന്റെ വീട്ടിലാണ് അപകടം സംഭവിച്ചത്.

പഴയ കെട്ടിടം പൊളിച്ചു നീക്കുന്നതിനിടയിൽ ടീവി പുരം സ്വദേശികളായ മൂന്നു പേർക്കും ഒരു അന്യ സംസ്ഥാന തൊഴിലാളിക്കുമാണ് പരുക്കേറ്റത്. 

ഇവരെ സമീപ വാസികൾ ഉടൻതന്നെ അടുത്തുള്ള ആശുപത്രിയിൽ പ്രവേശിപ്പിച്ചു. ഇവരിൽ രണ്ടുപേരുടെ നില ഗുരുതരമാണെന്ന് ആശുപത്രിവൃത്തങ്ങൾ അറിയിച്ചു.