മകൾ വീണാ വിജയൻറെ കമ്പനിക്കെതിരായ വിവാദത്തിൽ ആദ്യമായി പ്രതികരിച്ച് മുഖ്യമന്ത്രി

തിരുവനന്തപുരം;മകൾ വീണക്കും കമ്പനിക്കുമെതിരായ ആരോപണത്തിൽ പ്രതികരിച്ച് മുഖ്യമന്ത്രി പിണറായി വിജയൻ.

ആദ്യമായി ആണ് മുഖ്യമന്ത്രി ഈ വിവാദത്തിൽ പ്രതികരിക്കുന്നത്. ആരോപണങ്ങൾ വ്യാജമെന്നാണ് അദ്ദേഹത്തിന്റെ പ്രതികരണം.

തനിക്കും കുടുംബത്തിനുമെതിരെ ഉയരുന്ന തുടര്‍ ആരോപണങ്ങളുടെ ഭാഗമാണിതെന്നും മകൾ ബിസിനസ് തുടങ്ങിയത് ഭാര്യയുടെ പെൻഷൻ തുക ഉപയോഗിച്ചാണെന്നും അദ്ദേഹം പ്രതികരിച്ചു. നിങ്ങൾ ആരോപണം ഉയർത്തു, ജനം സ്വീകരിക്കുമോ എന്ന് കാണാമെന്നും അദ്ദേഹം വെല്ലുവിളിച്ചു.

ഒരാരോപണവും തന്നെ ഏശില്ലെന്നും അദ്ദേഹം കൂട്ടിച്ചേർത്തു. കൊട്ടാരം പോലുള്ള വീട് എന്നൊക്കെ പറഞ്ഞത് ഇപ്പോൾ കേൾക്കുന്നില്ല.

മുൻപ് ഭാര്യയെ കുറിച്ചായിരുന്നു ആരോപണങ്ങൾ. ഇപ്പോൾ മകൾക്കെതിരെ ആയി. ബിരിയാണി ചെമ്പിനൊക്കെ മുൻപ് പറഞ്ഞതടക്കം ഒന്നും നമ്മളെ ഏശില്ലെന്നും മുഖ്യമന്ത്രി വ്യക്തമാക്കി.