തിരുവനന്തപുരം: മുഖ്യമന്ത്രി പിണറായി വിജയന്റെ മകളും പൊതുമരാമത്ത് മന്ത്രി പി എ മുഹമ്മദ് റിയാസിന്റെ ഭാര്യയുമായ വീണയുടെ കമ്പിനിയുടെ പ്രവര്ത്തനത്തെ കുറിച്ച് സീരിയസ് ഫ്രോഡ് ഇൻവെസ്റ്റിഗേഷൻ ടീമിനെക്കൊണ്ട് അന്വേഷിപ്പിക്കണമെന്ന് ആവശ്യപ്പെട്ട് ഷോണ് ജോര്ജ് നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും..jpeg)
സമാന ആവശ്യം ഉന്നയിച്ച് കേന്ദ്ര കമ്പിനി കാര്യ മന്ത്രാലയത്തിനും ഷോണ് പരാതി നല്കിയിരുന്നു. ഇക്കാര്യത്തില് സ്വീകരിച്ച നടപടികള് കേന്ദ്രസര്ക്കാര് ഇന്ന് അറിയിക്കും.
വീണയുടെ ഉടമസ്ഥതയിലുളള എക്സാലോജിക്, കൊച്ചിയിലെ സിഎംആര്എല് കമ്പിനി, പൊതുമേഖലാ സ്ഥാപനമായ കെഎസ്ഐഡിസി എന്നിവയ്ക്കെതിര അന്വേഷണത്തിനായി മുതിര്ന്ന ഉദ്യോഗസ്ഥ സംഘത്തെ കേന്ദ്ര സര്ക്കാര് കഴിഞ്ഞ ദിവസം നിയോഗിച്ചിരുന്നു.
വീണയ്ക്ക് കൊച്ചിൻ മിനറല്സ് ആൻഡ് റൂട്ടൈല് ലിമിറ്റഡ് (സിഎംആര്എല്) എന്ന സ്വകാര്യ കമ്ബനിയില് നിന്ന് മാസപ്പടി ഇനത്തില് 3 വര്ഷത്തിനിടെ 1.72 കോടി രൂപ ലഭിച്ചെന്ന കണ്ടെത്തലിനു പിന്നാലെയാണ് അന്വേഷണം. വിശദമായ അന്വേഷണത്തിന് മൂന്നംഗ ഉന്നത ഉദ്യോഗസ്ഥ സംഘത്തെ ചുമതലപ്പെടുത്തി. നാല് മാസത്തിനുള്ളില് അന്തിമ അന്തിമ റിപ്പോര്ട്ട് നല്കണമെന്നാണ് നിര്ദേശം.
കര്ണാടക ഡെപ്യൂട്ടി രജിസ്ട്രാര് ഓഫ് കമ്ബനീസ് വരുണ് ബി എസ്, ചെന്നൈ ഡെപ്യൂട്ടി ഡയറക്ടര് കെ എം ശങ്കര നാരായണന്, പോണ്ടിച്ചേരി ആര്ഒസി എ. ഗോകുല്നാഥ് എന്നിവര്ക്കാണ് അന്വേഷണ ചുമതല. എക്സാലോജിക് കമ്ബനി നിയമ ലംഘനങ്ങള് നടത്തിയെന്ന് രജിസ്ട്രാര് ഓഫ് കമ്ബനീസ് ബെംഗളുരു നടത്തിയ പ്രാഥമിക അന്വേഷണത്തില് ഇത് വ്യക്തമായതോടെയാണ് വിശദമായ അന്വേഷണത്തിന് ഉത്തരവായത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.