അഭിഭാഷകനോട് പോലീസ് തട്ടിക്കയറിയ സംഭവം; വിശദീകരണം തേടി ഹൈക്കോടതി,,

എറണാകുളം: അഭിഭാഷകനോട് പോലീസ് മോശമായി പെരുമാറിയ സംഭവത്തില്‍ ഹൈക്കോടതി വിശദീകരണം തേടി. ജനുവരി 18-ന് സംസ്ഥാന പോലീസ് മേധാവി വിശദീകരണം നല്‍കണമെന്ന് ഹൈക്കോടതി നിര്‍ദ്ദേശിച്ചു.

കോടതിയലക്ഷ്യ ഹര്‍ജിയില്‍ ജസ്റ്റിസ് ദേവൻ രാമചന്ദ്രന്റേതാണ് നടപടി. ആലത്തൂരില്‍ കോടതി ഉത്തരവുമായി സ്റ്റേഷനിലെത്തിയ അഭിഭാഷകനോടാണ് മോശമായി പെരുമാറിയത്. ‌

അപകടത്തെ തുടര്‍ന്ന് പോലീസ് പിടികൂടിയ വാഹനം വിട്ടുകിട്ടാൻ കോടതി ഉത്തരവുമായി സ്റ്റേഷനിലെത്തിയ അഭിഭാഷകനെയാണ് പോലീസ് അപമാനിച്ചത്. ഇതിന്റെ വീഡിയോ പുറത്തായതിന് പിന്നാലെയാണ് വിഷയത്തില്‍ ഹൈക്കോടതിയുടെ ഇടപെടല്‍.

പോലീസിന്റെ പെരുമാറ്റവുമായി ബന്ധപ്പെട്ട് കോടതിയലക്ഷ്യ ഹര്‍ജി പരിഗണിക്കുന്നിതിനിടെയാണ് ഹൈക്കോടതി വിശദീകരണം തേടിയത്.