പാലാ പടവൻസ് മാർക്കറ്റിനുള്ളിലെ ശരവണ ഭവനിൽ തീപിടുത്തം.

പാലാ:പാലാ ശരവണ ഭവനിൽ തീപിടുത്തം. പാലാ ചക്കാമ്പുഴ റൂട്ടിൽ പടവൻസ് മാർക്കറ്റിനുള്ളിൽ പ്രവർത്തിക്കുന്ന ശരവണ ഭവനിലാണ് അൽപ്പ സമയം മുൻപ് തീപിടുത്തം ഉണ്ടായത്.

അടുക്കള ഭാഗത്തു നിന്ന് തീയും പുകയും ഉയരുന്നത് ശ്രദ്ധയിൽ പെട്ട ജീവനക്കാരും സമീപത്തെ വ്യാപാരികളും ചേർന്ന് ഉടനെ തീയണയ്ക്കുകയായിരുന്നു. പാലാ ഫയർ ഫോഴ്സ് യൂണിറ്റ് ഉദ്യോഗസ്ഥരും പാലാ പോലീസും സ്ഥലത്തെത്തി സ്ഥിതി ഗതികൾ നിയന്ത്രണ വിധേയമാക്കി.

തീപിടുത്തതെ കുറിച്ച് പരിശോധിക്കുമെന്നും വേണ്ട സുരക്ഷാ നടപടികൾ സ്വീകരിക്കുമെന്നും നഗരസഭ ഭരണ സമിതിയും അറിയിച്ചു.