അസമിലെ ബട്ടദ്രവ സത്രത്തിൽ രാഹുൽ ഗാന്ധിയും കോൺഗ്രസ് നേതാക്കളും കുത്തിയിരുന്നു പ്രതിഷേധിക്കുന്നു.

ഡൽഹി: അസമിലെ ബട്ടദ്രവ സത്രം സന്ദര്‍ശിക്കാനെത്തിയ കോണ്‍ഗ്രസ് നേതാവ് രാഹുല്‍ ഗാന്ധിയെ സുരക്ഷാ ഉദ്യോഗസ്ഥര്‍ തടഞ്ഞതിൽ വൻ പ്രതിഷേധം.

രാഹുലും മറ്റ് കോൺ​ഗ്രസ് നേതാക്കളും സ്ഥലത്ത് കുത്തിയിരുന്ന് പ്രതിഷേധിക്കുകയാണ്. പൊലീസ് തടഞ്ഞെങ്കിലും രാഹുൽ ഗാന്ധി മടങ്ങാൻ തയ്യാറാകാതെ സ്ഥലത്തു തുടരുകയാണ്.

എന്തുകൊണ്ടാണു തന്നെ തടഞ്ഞതെന്നു സുരക്ഷാ ഉദ്യോഗസ്ഥനോട് രാഹുൽ ഗാന്ധി ആരാഞ്ഞു. ഭാരത് ജോഡോ ന്യായ് യാത്രയുടെ ഭാഗമായി ഇപ്പോൾ അസമിലാണു രാഹുൽ.

'നമ്മൾ ജനാധിപത്യ രാജ്യത്താണ് കഴിയുന്നത്. പക്ഷേ ഇവിടുത്തെ പാർലമെന്റ് അം​ഗം ​ഗൗരവ് ​ഗോ​ഗോയിയെപ്പോലും തടയുകയാണ്.

ഇവിടെ നടക്കുന്നത് അനീതിയാണെന്ന് കോൺ​ഗ്രസ് നേതാവ് ജയ്റാം രമേശ് പ്രതികരിച്ചു. മഹിളാ കോൺ​ഗ്രസ് പ്രവ‍ർത്തകർക്കൊപ്പമാണ് രാഹുൽ ​ഗാന്ധി ധ‍ർണയിൽ പങ്കെടുത്തത്.