വെള്ളൂർ സർവ്വീസ് സഹകരണ ബാങ്കിൽ നിന്ന് വായ്പ്പയെടുത്ത് കുടിശ്ശിഖ വരുത്തിയ വ്യക്തിയെ പോലീസ് അറസ്റ്റ് ചെയ്തു.

വൈക്കം : വെള്ളൂർ സർവ്വീസ് സഹകരണ ബാങ്കിൽ നിന്ന് പത്തുലക്ഷം രൂപ വായ്പ്പയെടുത്ത് തിരിച്ചടയ്ക്കാതെ ബാങ്കിനെ കബളിപ്പിച്ച വ്യക്തിയെയാണ് പോലീസ് അറസ്റ്റ് ചെയ്തത്.

വെള്ളൂർ ചേലാട്ട് വീട്ടിൽ ഗോകുൽ ദാസിനെയാണ് പോലീസ് അറസ്റ്റ് ചെയ്തത്. ബാങ്ക് കോട്ടയം പ്രിൻസിപ്പൽ സബ് കോടതിയിൽ ഫയൽ ചെയ്ത വിധിനടത്തിപ്പ് ഹർജിയുടെ തീർപ്പ് കൽപിച്ചു കൊണ്ടുള്ള ഉത്തരവനുസരിച്ചാണ് ഗോകുൽദാസിനെ അറസ്റ്റ് ചെയ്തതെന്ന് ബാങ്ക് അധികൃതർ അറിയിച്ചു.

ഈ വർഷം ഏപ്രിൽ മാസത്തിനുള്ളിൽ വായ്പ കണക്ക് അവസാനിപ്പിക്കാമെന്ന വായ്പക്കാരന്റെ ഉറപ്പിൻമേൽ കോടതി ജാമ്യം അനുവദിച്ചു.