ജില്ലാ ആശുപത്രിയിലെ ഹെഡ് നഴ്‌സിന് നിർമാണം നടക്കുന്ന കെട്ടിടത്തിൽനിന്ന് താഴെവീണ് ​ഗുരുതര പരിക്ക്

തിരൂർ: മലപ്പുറം ജില്ലാ ആശുപത്രിയിലെ ഹെഡ് നഴ്‌സിന് നിർമാണം നടക്കുന്ന കെട്ടിടത്തിൽനിന്ന് താഴെവീണ് ​ഗുരുതര പരിക്ക്.

തൃശ്ശൂർ ചാലക്കുടി ചെട്ടിക്കുളം സ്വദേശി തറയിൽ മിനിയ്ക്കാണ് (48) പരിക്കേറ്റത്. ചൊവ്വാഴ്ച ഉച്ചയ്ക്ക് 12-നാണ് അപകടം.ഓങ്കോളജി വിഭാഗത്തിനായി നിർമിക്കുന്ന കെട്ടിടത്തിൽനിന്ന് പത്ത് അടി താഴ്ചയിലേക്ക് ഇവർ വീഴുകയായിരുന്നു.

ഗുരുതരമായി പരിക്കേറ്റ മിനിയെ സഹപ്രവർത്തകർ ചേർന്ന് കോട്ടക്കൽ മിംസ് ആശുപത്രിയിൽ പ്രവേശിപ്പിച്ചു. നിലവിൽ വെന്റിലേറ്ററിൽ ചികിത്സയിലാണ് മിനി.