മുംബൈയില്‍ കോവിഡ് ബാധിച്ച്‌ മരണം,

 മുംബൈ: മുംബൈയില്‍ കോവിഡ് ബാധിച്ച്‌ മരണം. ചെമ്പൂര്‍ നിവാസിയായ 52കാരനാണ് മരണപ്പെട്ടത്. ഓഗസ്റ്റ് ഒൻപതിനായിരുന്നു മുംബൈയിലെ അവസാന കോവിഡ് മരണം.

മരണത്തിന് ഒരു ദിവസം മുൻപാണ് ഇയാള്‍ ആശുപത്രിയില്‍ അഡ്മിറ്റാകുന്നത്. ആശുപത്രിയില്‍ എത്തുന്നതിന് മുൻപ് തന്നെ ഇയാള്‍ക്ക് പനി, ചുമ, ശ്വാസതടസ്സം എന്നീ ബുദ്ധിമുട്ടുകളുണ്ടായിരുന്നു.

നിലവില്‍‌ മഹാരാഷ്‌ട്രയില്‍ 154 പുതിയ കോവിഡ് കേസുകളാണ് റിപ്പോര്‍ട്ട് ചെയ്തിരിക്കുന്നത്. മുംബൈയില്‍ നിന്ന് മാത്രം 21 കേസുകളാണ് റിപ്പോര്‍‌ട്ട് ചെയ്തിരിക്കുന്നത്. ഇതോടു കൂടി മഹാരാഷ്‌ട്രയില്‍ മരണങ്ങളുടെ എണ്ണം രണ്ടായി. നാഗ്പൂരിലാണ് രണ്ടാമത്തെ മരണം റിപ്പോര്‍ട്ട് ചെയ്തത്.