പത്തനംതിട്ട: ശബരിമലയില് ദര്ശന സമയം നീട്ടും. നിലവില് നാല് മണി മുതല് 11 മണി വരെയാണ് ഉച്ചകഴിഞ്ഞുള്ള ദര്ശന സമയം. ഇത് 3 മണിമുതല് 11 മണി വരെയാക്കും. ഇക്കാര്യം തന്ത്രി ബോര്ഡിനെ അറിയിക്കും. തുടര്ന്നുള്ള ചര്ച്ചകള്ക്ക് ശേഷം ബോര്ഡ് ഇക്കാര്യം ഹൈക്കോടതിയെ അറിയിക്കും.
.jpg)
ശബരിമലയില് തിരക്ക് നിയന്ത്രിക്കാന് ആവശ്യമായ നടപടി സ്വീകരിക്കാന് ഹൈക്കോടതി നേരത്തെ ഉത്തരവിട്ടിരുന്നു. തിരക്ക് കണക്കിലെടുത്ത് ദര്ശന സമയം രണ്ട് മണിക്കൂര് കൂട്ടാനാകുമോ എന്ന് തന്ത്രിയോട് ചോദിച്ചറിയിക്കാനും കോടതി നിര്ദേശം നല്കി. പിന്നാലെയാണ് ദര്ശന സമയം കൂട്ടാനുള്ള നീക്കം.
രണ്ടു ദിവസമായി ശബരിമലയില് ഭക്തരുടെ ഒഴുക്കാണ്. 18 മണിക്കൂറോളം ക്യൂ നീണ്ടിരുന്നു. വെള്ളിയാഴ്ച്ച പമ്പയിലെത്തിയവര്ക്ക് ശനിയാഴ്ച്ചയാണ് ദര്ശനം ലഭിച്ചത്. തിരക്ക് നിയന്ത്രിക്കുന്നതില് പോലീസിന്റെ ഭാഗത്ത് നിന്ന് അനാസ്ഥയുണ്ടായിട്ടുണ്ടെന്ന് ആരോപണമുയരുന്നുണ്ട്. ദേവസ്വം ബോര്ഡ് ഇക്കാര്യം സര്ക്കാരിനെ എന്നാണ് വിവരം.
കഴിഞ്ഞ ദിവസം കുട്ടികള് ക്ഷീണിച്ച് തളര്ന്നുവീണതോടെ എട്ട് കന്നി അയ്യപ്പന്മാരുമായി മലപ്പുറം വണ്ടൂരില് നിന്നെത്തിയ ശിവനും സംഘവും ദര്ശനത്തിന് നില്ക്കാതെ മടങ്ങിപ്പോയിരുന്നു. അതിനിടെ, ഞായറാഴ്ച 70,000-ത്തോളം പേരും തിങ്കളാഴ്ച 90,000 പേരുമാണ് വെര്ച്വല് ക്യൂ വഴി ദര്ശനത്തിന് ബുക്ക് ചെയ്തിട്ടുള്ളത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.