തമിഴ്നാട് കര്‍ണാടക സംസ്ഥാനങ്ങളില്‍ ഭൂചലനം; നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല,,

ചെന്നൈ: തമിഴ്‌നാട്ടിലും കര്‍ണാടകയിലും നേരിയ ഭൂചലനം. തമിഴ്‌നാട്ടിലെ ചെങ്കല്‍പേട്ടിലും കര്‍ണാടകയിലെ വിജയപുരയിലുമാണ് ഭൂചലനം അനുഭവപ്പെട്ടത്..

ഇന്ന് പുലര്‍ച്ചെ 6: 52 നാണ് കര്‍ണാടകയിലെ വടക്കൻ മേഖലയായ വിജയപുരയില്‍ ഭൂചലനമുണ്ടായത്. റിക്ടര്‍ സ്‌കെയിലില്‍ 3.1 തീവ്രതയാണ് രേഖപ്പെടുത്തിയിരിക്കുന്നത്. 

തമിഴ്‌നാട്ടിലെ ചെങ്കല്‍പേട്ടില്‍ ഇന്ന് പുലര്‍ച്ചെ 7.39 നാണ് ഭൂചലനം അനുഭവപ്പെട്ടത്. റിക്ടര്‍ സ്‌കെയിലില്‍ 3.2 തീവ്രതയാണ് രേഖപ്പെടുത്തിയിരിക്കുന്നത്.

നാഷണല്‍ സെന്റര്‍ ഫോര്‍ സീസ്‌മോളജിയാണ് ട്വിറ്ററിലൂടെ വിവരം പുറത്തുവിട്ടത്. എവിടേയും നാശനഷ്ടങ്ങളും  ആളപായങ്ങളും റിപ്പോര്‍ട്ട് ചെയ്തിട്ടില്ല.